Ekki meginmálið hver á, heldur hvernig er verðið til neytenda búið til.

Þegar verið er að selja vatn, heitt eða kalt  og rafmagn til neytenda, þá skiptir í mínum huga litlu máli hver á fyrirtækin heldur hvernig er verðið reiknað út sem við þurfum að greiða fyrir vatnið og rafmagnið.  Það er ljóst að  verðið myndast ekki á markaði heldur er það að mestu ákvörðun seljanda, sbr þegar Alfreð Þorsteinsson hækkaði heita vatnið vegna þess að það sumar var heitt og því minni orkusala og ekki nægar tekjur.   Í mínum huga á verðlagningin að standa undir kostnaði við rekstur O.R.  en ekkert meira.  Fyrirtæki eins og O.R. eiga að vera skilgreind sem "cost center" en ekki "profitt center", þ.e. tekjur eiga að duga fyrir útgjöldum en ekki skapa eigendum einhvern hagnað sem er svo til niðurgreiðslu í Borgarsjóði.   Verð sem stendur bara undir eðlilegum útgjöldum verður ávallt lægsta verð.   Á því hagnast allt samfélagið því þá hefur almenningur meira fé á milli handana sem eytt er í annað. 

 

SUS vill einkavæða Orkuveitu Reykjavíkur

Athugasemdir

[Geir Ágústsson, 20.9.2010 kl. 12:30]

Lögmál Parkinson á ágætlega við hérna: Útgjöld hækka til að mæta tekjum.

Og ef það er rétt sem þú segir, að OR sé nánast einrátt um tekjur sínar, þá getur þú rétt ímyndað þér hvert útgjöld stefna!

[Gísli Gíslason, 20.9.2010 kl. 14:47]

Það er nú takmarkað hvað hægt er að þenja út ákveðið kerfi og sjálfsagt er O.R. þegar við eða yfir þeim mörkum í starfsmannahaldi.   Framkvæmdarstjórn OR lýtur stjórn, sem er pólitískt skipuð og á að að gæta hagsmuna almennings.