Besti flokkurinn: Snilld eða “tær snilld”

Það er ekki hægt annað en að taka hatt sinn ofan fyrir Jóni Gnarr & Co.  Þeir hafa lífgað uppá samfélagið í kosningunum og fengið landann til að brosa og jafnvel skellihlæja.  Að framboð með svona sterku grínyfirbragði verði stærsti flokkur í Reykjavík er einstakt í sögu landsins og þó víðar væri leitað. Það var eitt sinn sagt að innlánsreikningar íslenskra banka erlendis væru “tær snilld” enda þótti það framsækin leið að ná í fjármagn í íslenska bankakerfið þegar fækkaði möguleikum á erlendum lánum.   Þessi “tæra snilld” átti eftir að reynast íslendingum dýrkeypt.  Nú er hugtakið “tær snilld” orðið tákngervingur þess sem á einum degi lítur vel út en floppar svo.

 

Það er sagt að grín sé rammasta alvara og það á sannarlega eftir að koma í ljós hvort framboð Besta Flokksins sé snilld eða “tær snilld”.

Athugasemdir

[Einar Björn Bjarnason, 31.5.2010 kl. 09:40]

Jón hefur einn Akkílesarhæl, þ.e. hann kláraði aldrei barnaskóla og hefur aldrei menntað sig síðan neitt frekar.

Hætta, að hann sjái ekki í gegnum yfirborðsmennsku Dags, nánar tiltekið að hugmyndir borgarstj.fl. Samfó um atvinnu-uppbyggingu í Rvk. eru nánast 100% garanteraðar til að leiða borgina í gjaldþrot.

Hrunvegferð, myndi algerlega leggja BF í rúst, og hann myndi aldrei upp úr þeirri gröf á ný.

Kv.

[Gísli Gíslason, 31.5.2010 kl. 12:26]

Óháð prófgráðu Jóns Gnarr, þá hefur honum vegnað vel í starfi og þessi úrslit í borgarstjórnarkosningunum er með ólíkindum.   Vonandi lætur hann ekki Samfó eða aðra leiða borgina í ógöngur.  Það á eftir að koma í ljós hvort tilkoma Bestaflokksins verði gæfuspor fyrir borgina.