Viðheldur launamun kynjanna !

Þegar kona er búinn að vera  samfellt í 6 mánuði í fæðingarorlofi og karl slitrótt í samtals 3 mánuði, þá er augljóst að karlinn er að  viðhalda sínum starfsframa en konan situr  eftir í sínum frama á vinnumarkaði.  Þetta styður og viðheldur launamun kynjanna.

HÉR ER ENN OG AFTUR STAÐFESTING Á ÞVÍ AÐ MUNUR Í FORELDRAÁBYRGÐ KYNJANNA ER MIKIL  OG ENDURSPEGLUN  AF ÞESSUM MUN Í FORELDRAÁBYRGÐ ER STAÐA KYNJANNA Á VINNUMARKAÐI OG  LAUNAMUNUR KYNJANNA  ER AFLEIÐING  AF ÞVÍ.

Það er sorglegt  að þegar verið er að fjalla um launamun kynjanna þá er  ekkert fjallað um þetta samhengi.    Ekki einu sinni leiðari Moggans, sem oft hefur verið framsækinn í   skoðunum, hefur séð ástæðu til að benda á þetta samhengi.

Fæðingarorlof styttra þar sem karlmenn stjórna

Athugasemdir

[Guðrún Helgadóttir, 13.7.2007 kl. 13:22]

Það er held ég alveg rétt hjá þér að þrátt fyrir að miklar umbætur hafi átt sér stað í sambandi við fæðingarorlof fyrir feður þarf að fylgja þeim betur eftir þannig að þær skili sér betur í jafnri ábyrgð í foreldrahlutverkinu.

[Gísli Gíslason, 13.7.2007 kl. 14:08]

í dag taka konur almennt 6 mánuði í fæðingarorlof og karlar 3 mánuði.   Hátt hlutfall feðra sem taka fæðingarorlof í 3 mánuði staðfestir  að einlægur vilji er til staðar að taka orlof og vera með börnum sína.  Slitrótt orlofstaka þýðir að þeir eru enn fastir í fyrirvinnuhlutverkinu.  Það að konur taka almennt síðustu 3 mánuðina í fæðingarorlofinu og taka 6 mánuði alls staðfestir að konur bera enn meiri foreldraábyrgð.  Ég velti t.d. fyrir mér, væri samfélagið tilbúið í að fæðingarorlofið væri 12 mánuðir og það væru 6 mánuðir fyrir konur og 6 mánuðir fyrir karla??

Staðreyndin er að konur minnka við sig vinnu þegar fjölskylda er stofnuð og karla auka við sig vinnu.  þ.e. konan tekur á sig meiri  heimilis og foreldraábyrgð en faðirinn  meiri fyrirvinnuábyrgð.  Í fæðingarorlofi krystallast þetta svo aftur með að konur taka helmingi lengra orlof en karlar.   Allt hefur þetta afgerandi áhrif  á stöðu kynjanna á vinnumarkaði, konur dragast aftur úr og þetta viðheldur launamun kynjanna.

Ég tel að þegar foreldrajafnrétti næst, þá munu kynin ná launajafnrétti.  Enn er langt í foreldrajafnrétti og enn er langt  í launajafnrétti.  Til þess að þetta náist þá verða bæði kynin að líta í eigin barm og  skoða heildarmyndina.  Það er einföldun að segja bara að  karlar þurfi að taka sig á í að taka samfeldara 3 mánaða fæðingarorlof.  Það þarf miklu meira til af hendi beggja  kynja til að jafna kynbundinn mun í heimilis og foreldraábyrgð og til að jafna launamun kynjanna  á vinnumarkaði.

[Laufey Ólafsdóttir, 14.7.2007 kl. 04:05]

Mér finnst fáránlegt að hægt sé að slíta fæðingarorlofið í sundur. þetta á að vera umönnunartími fyrir barnið, ekki frí fyrir foreldra. Þetta með launamuninn er líka keðjuverkandi. Karlar auka við sig vinnu vegna þess að þeir eru að öllu jöfnu tekjuhærri. Launajafnrétti verður að þvinga fram til að breyta þessu. Svo má heldur ekki gleyma þeim tilvikum þar sem annað foreldrið er alls ekki inni í myndinni. Börn slíkra heimila eiga að eiga sama rétt á umönnun og önnur.

[Gísli Gíslason, 16.7.2007 kl. 11:15]

Það er trúlega mjög gott sjónarmið að takmarka hversu mikið er hægt að skipta orlofinu niður.  Það er alveg rétt að fæðingarorlof er fyrst og fremst fyrir barnið.   Það er líka alveg rétt ef konan er með lægri laun þá er minni tekjuskerðing fyrir  heimilið að konan taki lengra fæðingarorlof. Önnur ástæða fyrir því að karlmenn auki við sig vinnu þegar heimili  er stofnað er að á þeim hvílir ennþá almennt í samfélaginu fyrirvinnuhlutverkið. Sú staðalmynd um hlutverk kynjanna viðheldur einnig launamun kynjanna.  Ef barn á tvo foreldra og báðir búa hér á  landi, og báðir heilbrigðir,  þá  er það réttur barns að njóta umönnunnar beggja og skyldur foreldra að tryggja að barnið njóti þess.  Ég skil aftur  á móti vel að ef t.d. annað foreldrið er látið  þá eigi  fæðinarorlofsrétturinn að flytjast á eftirlifandi foreldri.