Eyleif amma orðið 100 ára í dag !

Eyleif Jónsdóttir amma mín hefði orðið 100 ára í dag.  Hún fæddist að Horni við Hornafjörð og ólst þar upp. Hún kynntist afa, Gísla Bergsveinssyni er hann var á vertíð á Hornafirði.  Þau bjuggu alla sína tíð á Norðfirði.  Þegar afi  lést árið 1971 þá dvaldist ávallt einn af okkur bræðrum hjá ömmu allar götur til 1985 er hún flutti út í Breiðablik, sem eru íbúðir fyrir aldraða á Norðfirði.  Fyrst var það ég og Jóhann sem nutum þeirra forréttinda að búa hjá henni til skiptis og seinna Guðmundur og Eyji.   

Föður afi og amma Eyleifar ömmu hétu Eyjólfur og Guðleif og var hún skírð í höfuðið á báðum.  Í dag bera 3 afkomendur hennar nafnið, en það er Eyleif Björg á Ísafirði, Eyleif Þóra á Álftanesi og Eyleif Ósk dóttir mín.   Ég held að aðeins okkar ætt og ein ætt frá Akranesi noti þetta nafn.  Læt svo fylgja  mynd af ömmu með foreldrum mínum á 80 ára afmæli hennar árið 1988.  Svo er önnur mynd af nöfnu hennar á Goðamótinu á Akureyri.

Athugasemdir

[Urðarteigur 18, Nesk. (IP-tala skráð) 2.3.2008 kl. 16:59]

Gísli minn, þakka þér fyrir að minnast þessara góðu konu, hún var okkur öllum svo mikils virði hér fyrir austan. kv. mamma

[Eyleif Ósk (IP-tala skráð) 3.3.2008 kl. 14:55]

Nett myynd --> ;D en hehehe ;D já það var flott að minnast á hana :)

[Eyleif (IP-tala skráð) 3.3.2008 kl. 15:59]

Sæll frændi.  Já hún amma var alveg einstök svo róleg og æðrulaus.  Aldrei man ég eftir að hún skipti skapi hvað sem á gekk. Hef ég alltaf verið mjög stollt af nafninu mínu (þó oft hafi það verið bjagað á póstsendinum).  Kveðja Eyleif Björg

[Gísli Gíslason, 3.3.2008 kl. 20:04]

Hæ frænka, já nafnið er eitthvað til að vera stolt af enda amma einstök eins  og nafnið og minningin um ömmu svo björt.

[Kristín Kristins (IP-tala skráð) 8.3.2008 kl. 13:45]

Sæll Gísli minn. Ég man svo vel eftir henni og það var svo notalegt að sitja í eldhúsinu hennar. Það var líka alltaf svo gott til með kaffinu.

Kveðja,

Kristín Kristins

[Gísli Gíslason, 9.3.2008 kl. 13:35]