Máttur læknavísindanna.

Ég greindi frá því hér á blogginu í haust að faðir minn greindist með mjög alvarlegt krabbamein í ristli með meinvörpum í lifur.  Hann var mikið veikur og hefur komið reglulega til Reykjavíkur til lyfjagjafar.  Það er skemmst frá því að segja að árangurinn hefur verið ákaflega góður.  Eftir erfiða baráttu í haust,  þá er heilsan í dag öll önnur.  Hann hefur þolað lyfjameðferðina vel, sem hefur líka gengið ágætlega.   Í morgun kom hann suður í skoðun og aftur austur með hádegisvélinni.  Þjónustan á LSH hefur öll verið til fyrirmyndar og við mót starfsfólks einstaklega elskulegt.   Allt þetta góða fólk er búið að bæta mikið heilsu föður míns og gott og elskulegt viðmót virkar auðvitað sem vítamín á sálina. Nú eru þau gömlu bráðlega á leið til til Tenerife í frí og koma aftur rétt fyrir Sjómannadagshelgina.   Sannarlega verðskuldað frí eftir strangan vetur.

Það er vor í lofti, a.m.k hér sunnanlands og fólk farið að huga að görðunum sínum.  Kannski er baráttan við illgresi í görðum eins og baráttan við krabbameinið.  Þetta er erfið barátta en með réttum aðferðum er hægt að halda þessum óboðnu gestum í skefjum.

Læt svo fylgja með eina mynd af okkur feðgum, en myndin var tekin í 40 ára afmæli Gunnu mágkonu. 

Athugasemdir

[SigrúnSveitó, 3.5.2008 kl. 13:33]

Gísli, en hvað er yndislegt að heyra hvað gengur vel hjá pabba þínum. Og líka frábært að heyra um hversu góða meðferð - á allan hátt - hann hefur fengið á LSH. Það er alltof oft sem aðeins það neikvæða fær að heyrast.

Mikið óska ég foreldrum þínum yndislegs tíma á Tenerife.

Ljós og kærleikur til ykkar allra frá mér. 

[Gísli Gíslason, 3.5.2008 kl. 20:05]

Takk Sigrún

[Hulda Elma Guðmundsdóttir, 4.5.2008 kl. 17:52]

Flottir feðgar. Hitti foreldra þína á 1. maí samkomu og lítur pabbi þinn vel út. Ánægjulegt að hann skuli hafa náð sér svona vel.

[Gísli Gíslason, 4.5.2008 kl. 22:42]

Takk Elma, ánægjulegt að fá kveðju frá þér hér á blogginu.

[Jóhann Kristjánsson, 6.5.2008 kl. 01:09]

Frábært að heyra hvað meðferðin gengur vel. Gaman að sjá hvað þróun læknavísindana hefur verið hröð í þessum málum :)

[Gísli Gíslason, 12.5.2008 kl. 00:18]

 takk