Veik frétt og fréttaumfjöllun.

Þessi frétt fjallar einungis um álit eins skosks þingmanns á fyrirhugaðri löggjöf EB.  Hér er ekki gagnrýnin fréttaskýring þar sem fjallað er um málið frá báðum hliðum.  Þetta er því miður einungis kranafréttamennska þar sem frétt þóknanleg ritstjórnarstefnu Morgunblaðsins er sett undir grípandi fyrirsögn. 

Óttast um fiskimiðin

Hvar ef fjallað um sambærileg réttindi fyrir karla ?

Það virðist sjálfsagt að konur geti fengið sæði og eignast barn og barnið fær aldrei að vita hver líffræðilegur faðir er. Trúlega er þetta brot á Barnasáttmála Sameinuðuþjóðanna.

Svo er líka spurning hvað með sambærilegan rétt karla, þ.e. að fá fá egg og  staðgöngumóðir til að ganga með barn getið með sínu sæði ?  I allri jafnréttisumræðunni þykir sjálfsagt að hafa kynbundin mismun á réttindum einhleypra karla og einhleypra kvenna !

Einhleypar megi fá gjafaegg

Ábyrgð Á-listans mikil.

Ástæðan fyrir slæmri stöðu Álftanes er vissulega samspil margra þátta.  Stærsti einstaki þátturinn er slæm fjármálastjórnun Á listans.  Öll árin sem Á listinn stjórnaði á Álftanesi var neikvætt veltufé frá rekstri og á sama tíma voru skuldir auknar.  Þar liggur mikil, raunar mjög mikil ábyrgð hjá fáum einstaklingum sem voru í forystu fyrir Á-listann.

Óttast fólksflótta frá Álftanesi

Ábyrgð Á-listans er mikil.

Það er gott að íbúasamtök reyni að upphugsa nýjar leiðir.  Í kreppu eru oft fundin upp stærstu framfaramál samfélagsins.  Vonandi gerist það líka á Álftanesi. 

Ógæfa íbúanna er aftur á móti sú að árið 2006 komst til valda ábyrgðarlaus  meirihluti Á lista, sem sökkti góðu samfélagi í fordæmalausar skuldir.  Forsvarsmenn Á lista hafa talað um að hrunið hafi kostað Álftanes um 1 miljarð, en skuldir eru yfir 7 miljarðar og þá eru 6 miljarðar eftir og það er áætlað að sveitarfélagið geti staðið undir 2 miljörðum.

Því miður þá virðast þau er sitja í bæjarstjórn fyrir Á lista vera í algerri afneitun á eigin ábyrgð og einhverjir eru því miður meðvirkir í þeirri afneitun.   Það er mikilvægt að í framboði í vor verði nýtt fólk sem ekki er hluti af þessum gömlu væringum í bæjarstjórn.  Meðvirkni og afneitun er ekki gott veganesti inní framtíðina.  

Íbúar Álftaness búnir að fá nóg

Stjórnmálamaður sem lítur á karlmenn sem vandamál !

Oft hef ég orðið undrandi á skrifum Sóleyjar.  Árið 2007 gat ég ekki stillt mig um að gera athugasemdir á blog hennar þegar mér fannst skrif hennar vera ekkert annað en karla rasismi.  Skrif hennar og athugasemdir má sjá hér. http://soleytomasdottir.is/?p=129. 

Ég held að hún sé ekki leiðtogi sem muni ná í jaðarfylgi fyrir VG, þó að hún eigi kannski traust innanbúðar fylgi.  

 

Sóley sigraði í Reykjavík

Sorgleg staða góðs samfélags.

Það er staðreynd að bæjarsjóður Álftaness er kominn í þrot. 

Það er staðreynd að Á listinn kennir efnahagshruninu um sínar ófarir og talar um að það hafi kostað samfélagið hér jafnvel 1 miljarð.  Það er aftur á móti staðreynd að skuldir og skuldbindingar bæjarstjóðs Álftaness er ríflega 7 miljarðar en greiðsluþol að hámarki 2-2,5 miljarðar, skv eftirlitsnefnd um fjármál sveitarfélaga.  Jafnvel þó hrunið hafi kostað Álftnesina 1 miljarð þá er skuldastaðan óviðráðanleg.

Það er staðreynd að frá og með árinu 2006 hefur verið neikvætt veltufé frá rekstri.   Það þýðir að bæjarsjóður hefur ekki haft nægar tekjur til að standa undir reglulegum útgjöldum og ekki haft krónu til að greiða af lánum. 

Það er staðreynd að á sama tíma og það var neikvætt veltufé frá rekstri þá jók meirihluti Á lista skuldir margfald.  Taldi það vera allt í lag því þetta væru skuldir utan efnahags, þ.e. leiguskuldbindingar og kom því ekki í efnahagsreikninginn.

Það er staðreynd að þegar allt var komið í þrot þá var farið að tala um sveitarfélaginu vantaði pening úr jöfnunarsjóði.  Eðlilegra hefði verið að koma skikk á reksturinn áður en farið var í auknar skuldsetningu.

Það er staðreynd að Á listi kennir dýrum grunnskóla um slæmt efnahagsástand, þ.e. dýr pr útsvarsgreiðanda.  Það er aftur á móti staðreynd að við höfum vel rekinn og góðann grunnskóla á Álftanesi þar sem kostnaður pr nemenda er með því lægsta sem þekkist.

Það er staðreynd að minnihluti D-lista varaði við ýmsu.  Það er líka staðreynda að öll gagnrýni var afgreidd, fyrst sagt að það væri svekkelsi yfir tapi í kosningunum og svo að þetta væri niðurrifstuð og neikvæðni osfrv.  Þannig var málefnaleg gagnrýni svæfð.

 Að kenna efnahagshruninu og barnmörgu samfélagi er aðeins hluti af skýringum.  Megin ábyrgðin er hjá þeim er leiddu Á listann.Mér virðist forkálfar Á lista sem eftir eru vera í algerri afneitun á eigin ábyrgð í þessum hörmungum.  Vonandi eru fáir meðvirkir með þessari afneitun.  Það er gott samfélag á Álftanesi og það verður það áfram. 

Álftanesi verði skipuð fjárhaldsstjórn

Ánægjulegt.

Ég hef skrifað mikið um meðlagsmál, enda sjaldan orðið fyrir  jafn miklum vonbrigðum á lífsleiðinni eins og að kynnast stjórnsýslu og túlkun stjórnsýslunnar á þessum málaflokk.   Það toppaði svo allt þegar Umboðsmaður Alþingis blessaði allan ógjörning stjórnsýslunnar.   En sagan í þessu er svona:

·        Árið  2004 skrifaði ég fyrstu greinina um ísl meðlagskerfið. http://www.mbl.is/mm/gagnasafn/grein.html?grein_id=834327 

·        Árið 2005 komu nokkrar fleiri greinarhttp://www.mbl.is/mm/gagnasafn/grein.html?grein_id=1022910http://www.mbl.is/mm/gagnasafn/grein.html?grein_id=1017518http://www.mbl.is/mm/gagnasafn/grein.html?grein_id=1044176http://www.mbl.is/mm/gagnasafn/grein.html?grein_id=1010519 

·        Árið 2006 komu áfram nokkrar greinarhttp://www.mbl.is/mm/gagnasafn/grein.html?grein_id=1097138, http://www.mbl.is/mm/gagnasafn/grein.html?grein_id=1122036, http://www.mbl.is/mm/gagnasafn/grein.html?grein_id=1114478

 

·        Árið 2008 ákvað  Dómsmálaráðherra að skip 3 manna nefnd undir forystu Guðnýjar Eydal til að gera tillögur að nýju meðlagskerfi.

http://www.domsmalaraduneyti.is/frettatilkynningar/nr/6460.   Það var byggt á skýrslu sem ég gerði fyrir ráðuneytið

http://www.domsmalaraduneyti.is/media/frettir/Medlagskerfi.pdf

 ·        Árið 2010, nefnd Guðnýjar Eydal skilar tillögumhttp://www.mbl.is/mm/frettir/innlent/2010/02/04/tillaga_um_breytt_medlagskerfi/ Sjá einnig á vef ráðuneytisins.http://www.domsmalaraduneyti.is/frettatilkynningar/nr/6926http://www.domsmalaraduneyti.is/media/frettir/Frumvarp_medlag_04.02.10.pdf   

 Nú á ég eftir að skoða í hverju breytingarnar felast en á ofangreindu sér maður að það er hægt að hafa áhrif á Íslandi, séu menn með góðan málsstað sem hægt er að færa efnisleg rök fyrir sínum málsstað.

Tillaga um breytt meðlagskerfi

Réttur barna til beggja foreldra!

Í Barnasáttmála Sameinuðuþjóðanna er kveðið skýrt á að barn á rétt á að mynda fjölskyldutengsl við báða foreldra. 

Í Barnasáttmálanum stendur m.a.:

"10.gr. 2. Barn sem á foreldra búsetta í mismunandi ríkjum á rétt til þess að halda persónulegum tengslum og beinu sambandi við þau bæði með reglubundnum hætti, nema sérstaklega standi á. Í því skyni, og í samræmi við skuldbindingar sínar samkvæmt 1. tölul. 9. gr., skulu aðildarríki virða rétt barns og foreldra þess til að fara frá hvaða landi sem er, þar á meðal eigin landi, og til að koma til eigin lands. Réttur til að fara frá hvaða landi sem er skal einungis háður þeim takmörkunum sem ákveðnar eru með lögum og nauðsynlegar eru til að gætt sé öryggis þjóðarinnar, allsherjarreglu (ordre public), heilbrigðis almennings eða siðgæðis, eða réttar og frelsis annarra, og sem samræmast öðrum réttindum viðurkenndum í samningi þessum.
......

18. gr.
1. Aðildarríki skulu gera það sem í þeirra valdi stendur til að tryggja að sú mginregla sé virt að foreldrar beri sameiginlega ábyrgð á að ala upp barn og koma því til þroska. ..."

Það verður fróðlegt að fylgjast með hvort Noregur og Marokkó tryggji þessum börnum rétt sinn til að umgangast ríkulega báða foreldra, og mynda tengl við þá báða menningarheima sem eru órjúfanlegur hluti af því hver þau eru.  Eða hvort hér sé nýtt Halim Al mál, þar sem heimvöllurinn er Noregur en ekki Tyrkland og foreldrið norsk móðir en ekki Halim Al.

Marokkó krefst aðgerða

Ef börnin hefðu verið tekin frá Noregi ?

Svona mál eru alltaf erfið en í mínum huga vandamálið það að börn eru látin velja of mikið á milli foreldra þegar svona staða er.   Eðlilegra er að tryggja rétt barna til beggja foreldra, líka þegar foreldrar búa hvort í sínu landi.  Í dag er það þannig, bæði hér á landi og erlendis, að ef annað foreldrið hertekur börn og er einbeittur brotavilji þá komast foreldrar upp með það að útiloka hitt foreldrið frá börnunum.  Halim Al er skýrt dæmi um slíkt enþað er líka slatti af Halim Al foreldrum hér á landi, oftast mæður sem útiloka hitt foreldrið frá samvistum við sameiginleg börn.

Nú ætla ég ekki að leggja neinn dóm á það sem var að gerast í Marokkó, en maður spyr ef tveir Marokkóskir hermenn með Marókkóskri móðir eða föður hefðu sótt börn í sendiráð Marokkó í Noregi og haft bát við ströndina til að sigla burtu með börnin.  Hvernig hefði fréttaflutningur orðið af því ?

Norskir hermenn fluttu barn frá Marokkó