Að líta fram á veginn og aðgengi að upplýsingum !

"Lítum fram á veginn" segir maðurinn sem vissulega er gott en svo ver hann afturhalds ályktanir síðasta Landsfundar Sjálfstæðisflokksins.  

Landsfundur endurspeglar ekki allt bakland Sjálfstæðisflokksins.  Fyrir þar síðasta Landsfund þegar allar skoðanakannanir bentu til að mikill meirihluti flokksmanna vildu Hönnu Birnu sem formann en á Landsfundi var svo Bjarni kosinn. Þannig er eins með sumar af samþykktum síðasta Landsfundar.  Þær gera ekkert annað þrengja þann hóp sem kýs Sjálfstæðisflokkinn og þar með seinkar að flokkurinn nái vopnum sínum aftur.  Dellu samþykkt um Evrópustofu var eitt af því sem þar stendur uppúr og það virðast helst vera gamlir ráðherrar flokksins sem verja þessa ályktun.

En það er vissulega hárrétt að allir þurfa að "líta fram á veginn" þ.m.t Sjálfstæðisflokkkurinn. Það væri farsælla þegar "litið er fram á veginn" að hafa gott aðgengi að upplýsingum líka þeim upplýsingum sem menn eru hugsanlega ekki sammála eins og t.d. frá Evrópustofu.  Ef menn horfa einungis á einhliða bölmóð um EB og ritstjórnar áróður frá Hádegismóum  þá eru þar mjög þröngr forsendur fyrir því hvernig menn "líta fram á veginn".  Aðgengi að ólíkum upplýsingum er forsenda farsælla ákvarðana og þannig verður leiðin fram veginn greið.

Lítum fram á veginn

EB og afskekkt Eyjasvæði

 

Því miður er umræðan um EB full af þjóðernistilfinningu og vantar því oft skynsemi í hana. Orðræðan er að það þurfi undanþágur sem ekki fást og því sé sjálfhætt í þessu ferli.   Þannig gefa menn sér niðurstöðu fyrirfram og vilja hætta við allt saman.  Og í þeirri vegferð er Morgunblaðið fremst á meðal jafningja.

 

Tómas H. Heiðar hélt mjög gott erindi á Sjávarútvegsráðstefnunni 2011 um Ísland og EB. Glærur Tómasar eru á http://www.sjavarutvegsradstefnan.is/files/tomas.pdf

Hann fjallar um fyrirvara Íslands í aðildarviðræðum og segir m.a um sérreglur fyrir afskekt eyjasvæði:

 

"Ákvæði 6. gr. aflaheimildareglugerðar ESB fyrir árið 2011

• Aðildarríkjum eftirlátið, með ákveðnum skilyrðum, að taka ákvörðun um stjórnun veiða úr tilteknum stofnum sem þau ein nýta á grundvelli eigin vísindagagna

• Sérreglur um afskekkt eyjasvæði

• Samkvæmt aðildarsamningum viðkomandi ríkja og reglugerðum settum á grundvelli þeirra hafa Asoreyjar, Madeira, Kanaríeyjar og fleiri eyjasvæði heimild til að takmarka veiðar innan 100 sjómílna við skip sem eru skráð á þessum stöðum eða hafa veiðireynslu þar

• Þau sjónarmið, sem búa að baki sérreglum um fiskveiðistjórnun á tilteknum jaðarsvæðum ESB, eiga aðnokkru leyti við um Ísland

• Beita má þeim röksemdum, sem búa að baki þessum sérlausnum, til að styðja kröfu um sérstakt íslenskt fiskveiðistjórnunarsvæði"

 

Það virðast því vera tölvuerðar líkur á því að við næðum samningi þar sem við værum áfram með sér íslenskt fiskveiðistjórnunarsvæði. En úr því fæst ekki skorið ef núverandi viðræður verði stöðvaðar og komið þannig í veg fyrir að þjóðin fái að kjósa um hugsanlegan samning.

 

Fást varanlegar undanþágur?