Hvernig væri að skoða samhengið á milli launajafnréttis og foreldraábyrgðar.

Ég vil minna á grein sem ég  skrifaði hér  á blogg síðuna mína,   http://www.gisligislason.blog.is/blog/gisligislason/entry/222957/  Trúlega er leiðin að launajafnrétti að jafna foreldraábyrgð kynjanna.

Löngu tímabært að fram fari endurmat á kjörum kvenna hjá hinu opinbera

Steingrímur verður áfram í stjórnarandstöðu.

Það virðist ljóst að fáir treysta sér til að vinna með VG og  þ.a.l er það hlutskipti  þeirra  að vera  í stjórnarandstöðu.   Það eru allar líkur á að svo verði áfram um fyrirsjáanlega framtíð.  Hitt er ljóst að fáir eru betri ræðuskörungar en Steingrímur J. en það dugar ekki til að gera VG stjórntæka.

Steingrímur J. Sigfússon: Samfylkingin gafst upp

Glæsilegur og hófsamur leiðtogi.

Geir Hilmar Haarde er hófsamur, glæsilegur og góður leiðtogi.  Að gefinni þeirri forsendu að Samfylkingarliðið fari ekki á sólo ferðalag í stjórnarsamstarfinu, þá er ég viss um að  þessi stjórn verði farsæl fyrir land  og  þjóð, rétt eins og fyrri ríkisstjórnir Sjálfstæðisflokksins sl 16 ár.

Ég hygg að 16 ára valdatími Sjálfstæðisflokksins  á Íslandi síðan 1991 sé nánast einsdæmi í hinum vestræna heimi.  Aldrei hefur orðið meiri breyting   á samfélaginu og það breyting til batnaðar, enda jók flokkurinn við sig fylgi eftir 16 ára stjórnarsetu.   Það er söguleg staðreynd að mestu framfaraskeið þessa lands hafa  orðið til undir forystu Sjálfstæðiflokksins og vonandi ber nýrri ríkisstjórn gæfa til að halda áfram að vinna góð verk fyrir  land og þjóð.

Meginmarkmið stjórnmála að skapa samfélag þar sem fólki líður vel

Góð tíðindi fyrir Blaðið !

Það er sannarlega hægt að fagna því að Ólafur Þ. Stephensen verði ritstjóri Blaðsins.   Ólafur  er nútíma maður.   Virtur blaðamaður, en sérstöða hans er  ekki síst að fjalla um jafnréttismál frá sjónarhóli karla.

• Ólafur var í karlanenfnd Jafnréttisráðs, sem m.a. vann  að bættum rétti feðra til fæðingarorlofs, sem trúlega er eitt stærsta jafnréttismál síðari  tíma.  
• Ólafur var einn af ræðumönnum á  karlaráðstefnunni, "Karlar um borð", þar sem karlar fjölluðu um jafnréttismál.  Þar fjallaði hann m.a.  um  hvað það væri gefandi að vera faðir í fæðingarorlofi.   
• Ólafur var í  Forsjárnefnd, ásamt Dögg Pálsdóttir hrl og Oddný Vilhjálmsdóttir frá Kvenréttindafélagi Íslands.  Forsjárnefnd lagði fram mjög framsækna áfangaskýrslu árið 1999 og lokaskýrslu árið 2005 (http://www.domsmalaraduneyti.is/media/Skyrslur/Forsjarnefnd-lokaskyrsla.pdf).  Ennþá hefur aðeins hluti af því sem nefndin lagði til verið lögfest.  Þeirra tillögur mættu   mikilli andstöðu Sifjalaganefndar Dómsmálaráðuneytisins, sem lýsti dapurlegum gamaldags sjónarmiðum nefndarmanna þar.  Ég er viss um að  mest allt sem Forsjárnefnd  lagði til á eftir  að verða að lögum.   Tíminn mun vinna með  sjónarmiðum Forsjárnefndar  og að  sama skapi munu sjónarmið Sifjalaganefndar verða lýsandi um gamaldags sjónarmið þeirra sem þá  nefnd skipa.
• Ólafur hefur ítrekað skrifað í leiðurum og Reykjavíkurbréfi um mikilvægi feðra og mikilvægi þess að jafnréttisumræðan fjalli líka um stöðu karla.
• Örugglega mætti týna  margt fleira til um það sem hann hefur gert í jafnréttismálum.

Það er full ástæða til að  óska Ólafi  og Blaðinu til  hamingju með nýjan ráðahag.

Nýr ritstjóri Blaðsins: Aukin áhersla á nánasta umhverfi