Sorgleg staða góðs samfélags.

Það er staðreynd að bæjarsjóður Álftaness er kominn í þrot. 

Það er staðreynd að Á listinn kennir efnahagshruninu um sínar ófarir og talar um að það hafi kostað samfélagið hér jafnvel 1 miljarð.  Það er aftur á móti staðreynd að skuldir og skuldbindingar bæjarstjóðs Álftaness er ríflega 7 miljarðar en greiðsluþol að hámarki 2-2,5 miljarðar, skv eftirlitsnefnd um fjármál sveitarfélaga.  Jafnvel þó hrunið hafi kostað Álftnesina 1 miljarð þá er skuldastaðan óviðráðanleg.

Það er staðreynd að frá og með árinu 2006 hefur verið neikvætt veltufé frá rekstri.   Það þýðir að bæjarsjóður hefur ekki haft nægar tekjur til að standa undir reglulegum útgjöldum og ekki haft krónu til að greiða af lánum. 

Það er staðreynd að á sama tíma og það var neikvætt veltufé frá rekstri þá jók meirihluti Á lista skuldir margfald.  Taldi það vera allt í lag því þetta væru skuldir utan efnahags, þ.e. leiguskuldbindingar og kom því ekki í efnahagsreikninginn.

Það er staðreynd að þegar allt var komið í þrot þá var farið að tala um sveitarfélaginu vantaði pening úr jöfnunarsjóði.  Eðlilegra hefði verið að koma skikk á reksturinn áður en farið var í auknar skuldsetningu.

Það er staðreynd að Á listi kennir dýrum grunnskóla um slæmt efnahagsástand, þ.e. dýr pr útsvarsgreiðanda.  Það er aftur á móti staðreynd að við höfum vel rekinn og góðann grunnskóla á Álftanesi þar sem kostnaður pr nemenda er með því lægsta sem þekkist.

Það er staðreynd að minnihluti D-lista varaði við ýmsu.  Það er líka staðreynda að öll gagnrýni var afgreidd, fyrst sagt að það væri svekkelsi yfir tapi í kosningunum og svo að þetta væri niðurrifstuð og neikvæðni osfrv.  Þannig var málefnaleg gagnrýni svæfð.

 Að kenna efnahagshruninu og barnmörgu samfélagi er aðeins hluti af skýringum.  Megin ábyrgðin er hjá þeim er leiddu Á listann.Mér virðist forkálfar Á lista sem eftir eru vera í algerri afneitun á eigin ábyrgð í þessum hörmungum.  Vonandi eru fáir meðvirkir með þessari afneitun.  Það er gott samfélag á Álftanesi og það verður það áfram. 

Álftanesi verði skipuð fjárhaldsstjórn

Athugasemdir

[óli (IP-tala skráð) 5.2.2010 kl. 11:39]

Hvernig ætli fjármál þessa fólks persónulega séu? Veit það eitthver? þetta getur bara ekki verið vel gefið fólk. þetta lið hlítur að vera bara e h bilað,hálf vangefið bara. Og svo þegar allt var alveg farið til helvítis þá var farið í að byggja sundlaug sem á að leigja næstu 50 ár á marga miljarða! þvílíka snildin sem þetta er!

[Gísli Gíslason, 5.2.2010 kl. 12:30]

Það er ekki stórmannlegt að ráðast svona á persónu fólks og vera ekki einu sinni maður til að koma fram undir nafni.   Ef þú ekki kemur fram undir nafni þá mun ég eyða þessari færslu.

[Eysteinn Þór Kristinsson, 5.2.2010 kl. 15:16]

Sæll kappi

Sammála að þetta er leiðindamál hjá ykkur í þessu annars ágæta sveitarfélagi. Er engin leið hjá ykkur um þverpólitíska samvinnu. Finnst alltaf allir benda á alla?

 kveðjur úr firðinum fagra

[Gísli Gíslason, 7.2.2010 kl. 14:34]

Heill og sæll. Auðvitað er best ef hægt er að vinna saman.  Það er aftur á móti erfitt  þegar annar aðilinn er í algerri afneitun á eigin ábyrgð og ágreiningur virðist oft á tíðum eiga sér djúpar rætur, dýpri en maður skilur alltaf.  Það þarf nýtt fólk í bæjarstjórn og þessi sem búin eru að sitja í meira en eitt kjörtímabil ættu að draga sig í hlé.  Þá kannski næst þverpólitísk samvinna.  Hún næst ekki í núverandi bæjarstjórn, a.m.k kæmi það mér á óvart.