Ábyrgð þeirra sem komu samfélaginu í þessa samningsstöðu.

Ég held að margir óskuðu þess að sjá sveitarfélagið áfram sem sjálfstætt sveitarfélag ef það væri einn af valmöguleikunum.  Eftir 3 ára valdatíð Á listans þar sem fjármál sveitarfélagsins voru sett í þrot þá er það ekki lengur einn af valkostunum.  Ábyrgð Á listans algjör.  Það er búið að vera skálmöld í bæjarstjórn Álftanes og íbúar í þessu góða sveitarfélagi vilja og þrá að héðan komi jákvæðar fréttir (nóg er af þeim) og það ríki friður í bæjarstjórn.  Í þeirri stöðu sem er þá hlýtur nærtækast að vera að ræða við Garðabæ.  Lönd sveitarfélaganna liggja saman.

Flestir Álftnesinga vilja sameinast Garðabæ

Athugasemdir

[KRISTJÁN SVEINBJÖRNSSON, 9.3.2010 kl. 21:23]

D-listinn hefur stýrt fjármálum Álftaness síðustu áratugina og bera fulla ábyrgð á þeirri stöðu sem sveitarfélagið og íbúar þess eru nú í. Og fyrsta verk núverandi meirihluta D-lista var að setja sveitarfélagið í þrot. Vek athygli á viðtali við bæjarstjóra Garðabæjar í DV sem hafnar sameiningu við Álftanes.

http://www.dv.is/frettir/2010/3/9/fjarhagsstada-alftaness-stendur-i-vegi-fyrir-sameiningarvidraedum/

[Gísli Gíslason, 9.3.2010 kl. 21:43]

Það er staðreynd að þegar fyritæki, einstaklingar eða aðrir fara á hausinn þá fara oft þeir sem bera ábyrgðina í mikla afneitun og benda á aðra.  Það er dapurlegt að horfa á hina miklu afneitun sem þið í Á listanum eruð í vegna ykkar ábyrgðar á því hvernig þið hafið farið með okkar ágæta samfélag.  

[KRISTJÁN SVEINBJÖRNSSON, 9.3.2010 kl. 22:45]

Undir stjórn D-listans fjölgaði íbúum um 80% á 10 árum. (2000-2010)

 Undir stjórn D-listans var byggt upp 37% stærra grunnskólasamfélag en landsmeðaltal. (2002-2010)

Undir stjórn D-listans var unglingadeildin tekin heim með tilheyrandi uppbyggingakostnaði og rekstrrkostnaði (2002-2006)

Undir stjórn D-listans var Álftanesskóli stækkaður um helming, íþróttahús um helming og byggður nýr leikskóli og allt framkvæmdafé tekið að láni (1998-2006)

Undir stjórn D-listans voru seld hlutabréf í HS á 25 millj. en 6 mánuðum síðar var verðmæti þeirra tæplega 100 milljónir.

Undir stjórn D-listans hafnaði sveitarfélagið kaupum landi á miðsvæðinu fyrir rúmar 50 milljónir. Einkaaðili keypti landið og tveimur árum síðar (2004) keypti sveitarfélagið undir stjórn D-listans hluta af þessu landi á 150-200 milljónir og tók gjaldeyrislán fyrir kaupunum en einkaaðilinn seldi landið á alls 500 milljónir. Minnir að gjaldeyrislánið hafi verið upp á 350 milljónir og standi nú í yfir 700 milljónum.

Undir stjórn D-listans (2005) var gerður skuldbindingarsamningur um byggingu ráðhúss og þjónustubyggingu sem stæði nú í um milljarði. Á-listinn rifti þessum samningi (2006) og bygði þess í stað sundlaugina fyrir sömu upphæð.

[Gísli Gíslason, 9.3.2010 kl. 23:05]

Það er sem ég segi,  þið í Á listanum eruð í bullandi afneitun á eigin ábyrgð.