Ánægjulegt.

Það er sannarlega ánægjulegt ef þessu verkefni miðar áfram.  Það þarf bæði að búa til störf og auka verðmætasköpun í samfélaginu. Orkan fyrir fyrir þetta álver kemur úr endurnýtanlegri umhverfisvænni orku.  Reynslan frá Reyðarfirði sýnir að fólk vill vinna við álver og reynslan úr Straumsvík sýnir að fáir vinnustaðir eru jafn traustir vinnustaðir með litla starfsmannaveltu.  Það er vonandi að þetta verkefni fái almennan skilning í samfélaginu.

Bakkaálver tekur á sig mynd

Athugasemdir

[Sigurjón Jónsson, 12.5.2010 kl. 10:17]

Það er rétt að halda því til haga að hvert starf sem skapaðist í Fjarðaráli kostaði Landsvirkjun 700.000.000.- kr.

Ef menn halda að þeim peningum hafi verið vel varið til atvinnusköpunar þá ber það ekki vott um mikla hagsýni eða vit á fjárfestingum.

Ef tilgangurinn er að skapa atvinnu á Norðurlandi þá eru margir aðrir möguleikar.

En mig grunar að tilgangurinn sé allt annar.

[Pálmi (IP-tala skráð) 12.5.2010 kl. 10:31]

Eitt þykir mér alltaf áhugavert að sjá þegar farið er að tala um álver fyrir norðan.

Alltaf kemur einhver og segir að nóg sé af öðrum möguleikum. Raunhæfum möguleikum. En ekki er boðið upp á neinar hugmyndir.  Þannig að ég kalla eftir þessum raunhæfu möguleikum sem geta skapað álíka mörg störf fyrir bæjarfélag eins og t.d. Húsavík ? Eða er kannski bara hugmyndin sú að halda þessu svona eins og þetta er, þannig að bæði innlendir og erlendir ferðamenn geta farið til Húsavíkur í hvalaskoðun og sest svo niður á kaffihús og fengið sér kaffi ? Það er gott og blessað yfir sumarmánuðina, en hvað með hina 8 mánuði ársins þar sem ferðamenn láta ekki sjá sig ? Hvorki innlendir né erlendir ?

[Sigurjón Jónsson, 12.5.2010 kl. 11:26]

Ég er ekki að tala um ferðamennsku. Það er einhver vonlausasta atvinnugrein sem hægt er að hugsa sér að vera í. Grikkland Spánn og Portúgal eru talandi dæmi um það.

Nei það er hægt að koma á margs konar iðnaði, ef menn eru tilbúnir að fjárfesta 700.000.000.- í hverju starfi þá eru möguleikarnir ótæmandi. En til þess að eitthvað verði gert þá þarf fólkið á staðnum að gera það sjálft og mennta sig til þess. Það er ömurlegt að láta ríkisfyrirtæki eins og Landsvirkjun fjárfesta óhemju fé í verkamanna störfum.

Húsvíkingar gætu t.d. farið að framleiða rafmagns bíla og rafhlöður í þá. Fjárfestingin væri mikklu minni og störfin miklu skemmtilegri.

Það mætti framleiða margt annað, eins og t.d. báta til hvalaskoðunar, möguleikarnir eru ótæmandi.

Eina sem þarf er að heima menn vakni af sínum Þyrnirósar svefni og byrji að vinna sjálfir, Guð er ekki danskur.

Ef að þú Pálmi hefur engar hugmyndir þá skaltu fá þér vinnu hjá erlendu álveri og mæta hugsunarlaus í vinnuna á hverjum morgni og fara sofandi heim á kvöldin. En ef þú hefur hugmyndir skaltu vinna að því að koma þeim í framkvæmd.

[Gísli Gíslason, 12.5.2010 kl. 13:15]

Það er alrangt að tala um 700 milljónir í hverju starfi.  Virkjunin mun standa af margfaldan líftíma álversins og sú orka sem virkjunin framleiðir er úr endurnýjanlegri orku og verður verðmætari og verðmætari.  Þannig mun sú fjárfesting sem Landsvirkjun fór í skila miklum arði til barna okkar og barnabarna en í til að byrja með skaffa vinnu fyrir fólk í Alcoa og tengdum störfum, fyrir utan það að skaffa landinu gjaldeyrir. Andstæðingar virkjana og álvera tala ekki af mikilli virðingu um störf í álverum, sbr hér að ofan og tala um að menn mæti hugsanlausir í vinnu á hverjum morgni osfrv.    Svona var umræðan um Kárahnjúkavirkjun og álverið á Reyðarfirði.  Vonandi tekst landanum að lifta umræðunni á hærra plan.  Það er mikilvægt að landinn sameinist um að búa til störf og verðmæti, þannig að börn muni ekki alast upp við að hafa átt atvinnulausa foreldra í æsku.

[Ragnar G, 12.5.2010 kl. 22:14]

Skemmtileg umræða hjá ykkur. Ég er alltaf að hallast meira og meira á þá skoðun að við eigum ekki að eiga virkjanirnar. Með því erum við ekki að kosta neinu til að skapa störfin. Við eigum að láta  erlenda auðhringa eiga virkjanirnar og selja þeim síðan aðgang að auðlindinni á okurverði. Með þessu er engin tilkostnaður fyrir samfélagið aðeins beint tekjuflæði í ríkiskassan. Það að mætti síðan setja það sem skilyrði að orkuna yrði að nota innanlands til  atvinnusköpunar. Þetta myndi efla atvinnulífið og taka alla áhættuna af samfélaginu.

[Gísli Gíslason, 13.5.2010 kl. 09:00]

Frumleg hugmynd.  Það hlýtur náttúrulega að vera eðlilegt að þjóðin fái a.m.k auðlindargjald af öllum sínum auðlindum.