Er trúlegt að IFAW fari með sannleikann ?

IFAW berst gegn hvalveiðum og verður að taka mið að því þegar samtökin fjalla um hvalveiðar.  Þegar barátta gegn hvalveiðum hófst þá var víða stunduð rányrkja á þessum miklu dýrum.  Ofveiði leiddi til þess að víða var ekki lengur ábatasamt að stunda þessar veiðar og því lögðust þær af. Umhverfissamtök börðust einnig hatrammlega gegn hvalveiðum og varð þekkt slagorðið "save the last whale".  Íslendingar voru trúlega fyrstir í heiminum til að banna hvalveiðar á öðrum áratug síðustu aldar.  Um og eftir seinna stríð hófust svo aftur veiðar við Ísland sem voru alla tíð hófsamar.  Því miður hafa umhverfissamtök aldrei greint á milli sjáfbærra hvalveiða eða ofveiði og barist gegn öllum hvalveiðum. Þannig gilti hvalveiðibann IWC um allar hvalveiðar.  IFAW vill banna allar hvalveiðar um aldur og ævi. Nú eru rökin ekki lengur "save the last whale", heldur á bara ekki að nýta þessa auðlind til matar.  Að kalla einhvern iðanað deyjandi er mikill hroki og lýsir virðingarleysi fyrir þessari atvinnugrein.  Það getur vart talist óeðlilegt að það séu til birgðir, slíkt er til af flestum vörum.  Þegar  IFAW birtir svona upplýsingar um afkomu í hvalveiðum Japana, þá verður að taka mið að því að þeir miða sínar upplýsngar við það að þjóna sínum málsstað og getur vart talist óháð úttekt á þessum málum. 

Hvalveiðar skattgreiðendum dýrar

Athugasemdir

[Gunnar Th. Gunnarsson, 5.2.2013 kl. 11:36]

Þegar friðunarrökin duga ekki ein og sér þá fara náttúru og dýraverndunarsamtök alltaf í þennan pakka. Við þekkjum þetta úr heimahögunum.