Feðraréttindahreyfingar !

Í grein í Vísi 14. ágúst sl skrifar Þórey Guðmundsdóttir grein um Feðraréttindahreyfingar. sjá hér

 

Hún segir m.a. 

"Sameiginlegt flestum feðraréttindahreyfingum er, að þær eru taldar skaðlegar feðrunum sjálfum sökum þess, að þessar hreyfingar leggja fumáherzlu á að feður byggi upp drottnunarvald sitt gagnvart börnum og barnsmæðrum, fremur en að taka raunverulega og uppbyggjandi þátt í uppeldi barnanna."

 

Þetta eru ekki litlar fullyrðingar af hendi manneskju sem hefur m.a. starfað sem fagmaður í sifjamálum á Íslandi.  Þegar ég starfaði í Ábyrgum Feðrum (nú foreldrajafnrétti)þá fannst mörgum sem maður hitti, að fagumhverfið væri þeim ekki vinveitt.  Framsetning í þessri grein styður það mjög sem og aðrar umfjallanir um þetta.

 

Guðný Björk Ármannsdóttir segir.

„Þegar ég skildi við barnsföður minn þurfti að leita sátta hjá presti. Þessi prestur sem hér skrifar var þá að leysa af í sókninni. Hún pressaði mikið á mig að beita umgengnistálmunum. Það kom að sálfsögðu ekki til greina og dóttir mín og pabbi hennar hafa alltaf átt gott samband.“

 

Þessi umræddi prestur er sá sami og segir að feðraréttindahreyfingar séu skaðlegar feðrum !

 

Er líklegt að Þórey hafi veitt faglega og hlutlausa ráðgjöf þegar hún var að ráðleggja foreldrum, þegar þau eru á þeim erfiða staða í tilverunni að sambúð eða hjónaband er að leysast upp og fólk er að leyta ráða hvernig eru hagsmunir barnana tryggðir sem best.

 

Í grein Þóreyjar vitnar hún í Dr. Michael Flood

I wikipedia er eftirfarandi skrifað um Dr Michael Flood að hann starfi við Háskólann í Wollongong í ÁStralíu, og í rannsóknir þaðan vitnar Þórey, en um Flood stendur í alfræðibók netsins:

"Flood is a co-editor of the International Encyclopedia of Men and Masculinities, and the author of numerous academic papers on issues related to men and gender. Flood has also worked as a pro-feminist educator and activist, addressing men's violence against women."

 

Þessi maður er skrifaður sem activist, en til samanburðar má nefna að Paul Watson hjá Sea Shepherd er einnig skilgreindur sem activist, þ.e. aðgerðarsinni.  Hann hefur semsagt skoðun og rannsóknir hans miða að því að styðja hans skoðanir.

Flood þessi skráði sig á fölsku flaggi í Feðrahreyfinguna FAthers4equality í Ástralíu.  Þaðan sendi hann skeyti til sjórnmálamanna þar í landi og leit út fyrir að það kæmi frá félagsmanni úr hreyfingunni.  Um þetta má lesa hér.  Þarna helgaði tilgangurinn meðalið að sverta nafn félagsins og mannréttindahreyfingu karla.  Þessi maður er svo náinn samstarfsmaður feminista í Ástraliu.  Önnur grein um hann má sjá hér

Ég tek það fram að mér finnst fullyrðingar Þóreyjar algerlega fráleitar. Þegar ég starfaði í félaginu Ábyrgir feður, þá gáfum við út blaðið Ábyrgir Feður og umfjöllun blaðsins staðfestir að ekkert sem Þórey skrifar stenst skoðun. Ábyrgir feður unnu að því að barn ætti að eiga ríkan rétt til samvista við báða foreldra og fékk félagið nafnið Foreldrajafnrétti.  Heldur ekkert í þeirra starfsemi þess félags er í anda þess sem Þórey skrifar. 

 

Á sínum tíma var ég í samstarfi við félög eins og 

 

í Noregi Foreningen 2 forældrer, í Danmörku, Foreningen Far og í Englandi Families need fathers og einnig Fatherhood institute, ásamt öðrum félugum.  Ég fullyrði að ekkert i starfsemi þessara félaga er í anda þess sem Þórey lýsir, heldur eru þessi félög að vinnað að bættum hag barna svo þau hafi áfram ríka tenginguv við báða foreldra þegar þeir búa ekki saman.

Það væri gaman að það færi fram rannsókn á hverju feðrahreyfingar í hinum vestræna heimi hafa skilað. Ég er þess fullviss að niðurstaðan væri ekki í nokkru samræmi við það sem Þórey skrifar.  

 

En það er umhugsunarefni að á því herrans ári árið 2015 komi skrif eins og frá Þórey og það er umhugsunarefni að þessi kona hafi starfað í sifjamálum á Íslandi.