Hengja bakara fyrir smið?

Bovíkingar lýsa vonbrigðum á Hafró.  Það er ljóst að enginn er hafinn yfir gagnrýni en maður veltir fyrir sér hvort það sé alfarið við Hafró  að sakast.   Í dag er fiskveiðidauði af mannavöldum eftirfarandi:

a)opinber afli, sem skráist í opinberar tölur.

b)afli landaður framhjá vigt, sem skráist  ekki í opinberar tölur,

c)afli sem er hent aftur út, sem múkkin fær á matseðilinn sinn.

Aðeins  a)  skráist sem fiskveiði í opinbera tölfræði, sem svo Hafró byggir sínar niðurstöður á.   Ef fiskveiðidauði  væri árlega það sem Hafró legði til í aflamarksreglu, þá væri ástandið trúlega betra.   Ef engu væri landað framhjá vigt og engu hent út um lensiportið, þá myndi allur veiddur afli skrást, sem gerist ekki í dag.   Hvernig á að koma í veg fyrir að  afla sé landað framhjá vigt eða að afla sé hent ? Það er verðugt verkefni fyrir stjórnvöld og samfélagið allt að finna lausn á.!

Lýsa miklum vonbrigðum með aflaráðgjöf Hafrannsóknastofnuna

Athugasemdir

[Jón Magnússon (IP-tala skráð) 5.6.2007 kl. 14:14]

Vandamálið er skortur á æti fyrir fiskinn enn ekki það að of mikið hafi verið veitt.Þegar skortur er á fæðu fyrir þorskinn þá er ekki ráðið að  friða hann enn meir því hann étur eigin afkvæmi þegar hann hefur ekkert annað að moða úr.
Frekar ætti að friða loðnustofninn sem er að hruni kominn vegna ofveiði síðustu 10 árin svo þorskstofnarnir kringum landið hafi það æti sem þeir þurfa til að vaxa.Allt annað er bull.
Talandi um ofveiði þá er sömu sögu að segja af karfastofninum sem er í sögulegu lágmarki og illveiðalegur hér við Ísland í dag.Ekki geta þeir hjá LÍÚ kennd smábátaútgerðinni um ástand karfastofnsins svo ég tali ekki um ástæður hruns rækjustofnsins.Sama hvar litið er á ástand fiskistofna við Ísland þá blasir allstaðar við hrun eftir 25 ára fiskveiðistjórnun LÍÚ og hafró.Norsk íslenska síldin er það eina bjarta í dag en hún hefur verið undir verndarvæng norðmanna og getum við þakkað þeim að sá stofn stendur vel í dag.Það eru illa blindir menn sem ekki sjá það að núverandi kerfi er handónýtt og var uppfundið til þess eins að safna auð undir örfáa menn og allt annað var aukaatriði.

[Gísli Gíslason, 5.6.2007 kl. 15:08]

Það sem ég vildi benda á að ef Hafró segir að í lagi  sé að veiða x þúsund tonn, og segjum að það yrði settur kvóti uppá  það magn. Opinberar löndunar tölur myndu segja að aðeins þesssum x þúsund tonnum sé landað, þá segir það bara hálfa söguna um fiskveiðidauðann af  mannavöldum.   Enginn veit hvað fer aftur út af dauðum fiski úr skipunum og enginn veit hvað er  landað framhjá vigt.   Þannig  að  jafnvel þó á pappírum væri  farið að tilllögum Hafró, þá væri fiskveiðidauði  alltaf mun  meiri en landaður afli og það hlýtur að skekkja myndina.