Vigo og Lincoln

Á morgun legg ég í ann heim frá Lincoln eftir að hafa verið á Sjávarútvegssýningunni í Vigó á Spáni og svo búinn að vera í höfuðstöðvum Eagle Seafoods, sem eru hér í Englandi. Mjög áhguaverð ferð.

Það er gaman að koma til Vigo.  Hér rekst maður meir á ómengað Spánskt umhverfi, öfugt við hefðbundna túrista sólarströnd Spánar við Miðjarðarhaf, þar sem maður hefur á tilfinningunni að  ferðamennskan hefi yfirtekið samfélagið.   Vigo er í Galiseu sem er fylki eða hérað fyrir  norðan Portúgölsku landamærin.  Íbúar eru gallar, eins og þeir í Ástríks bókunum. Ef maður skoðar kortið hér að neðan hægra meginn, þá er það nánast eins og í Ástríks bók, þ.e. , nes út við sjó og þar býr einstakt fólk.  Íbúar Galíseu eru skyldir Skotum og eru af keltneskum uppruna.  Þannig eiga Galiseu menn sekkjarpípu eins og skotar, þó öðruvísi sé.  Einnig heitir fótboltaliðið Celta Vigo og Celta er Celtic eða Kelti.  Galiseu menn og Skotar eru stoltir af uppruna sínum og halda í sínar hefðir, þannig eru báðir líkir Gaulverjunum í Ástríksbókunum!!!!   Mér fannst fólkið í Vigo bæði fallegt og vinalegt og ekki spillir að þarna er fínt veðurfar.  Landslagið í Vigo er vogskorin strönd og fjöll og landið allt tilkomumikið.

Vigo er stór sjávarútvegshöfn og þar er landað mikið af ferskum afla. Þannig veiða Spánverjar mikinn afla sjálfir en flytja einnig mikið inn af afla. Spánn og Portúgal hafa verið áratugum saman mikilvægir markaðir fyrir íslenskann fisk.    Saltfiskmarkaðir við miðjarðarhaf urðu til snemma á síðustu öld. Sameiginlegt með þeim löndum sem kaupa mest saltfisk (Spánn, Portúgal og Ítalía) er að þetta eru kaþólsk lönd.  Saltfiskurinn var mikið borðaður á föstutímabilinum, þegar kaþólikkar neyta ekki kjöts. Eitt sinn varð til orðatiltækið  á Íslandi "lífið er saltfiskur" en það varð til á millistríðsárunum þegar nánast allur afli á Íslandi var saltaður, enda var það fyrst eftir seinni heimstyrjöld sem hraðfrysting ruddi sér til rúms.   Matur á Spáni er aldeilis frábær en nútíminn setur sitt mark þar eins og annarsstaðar í hinni vestrænu menningu.  Skyndibitinn og snakk er vaxandi neysluvara unga fólksins.

Eftir Vigo var farið til  Lincoln.  Það er gott að koma til Lincoln, þar sem ég bjó í 3 ár og ekki sakar að vera á frábæru heimili hjá Höska og Úllu.  Lincooln vex og það eru nýjar byggingar sem rísa enda er borgin miðstöð þjónustu fyrir svæðið, með bæði háskóla og sjúkrahús.   Dómkirkjan í Lincoln setur alltaf svip sinn á borgina en hún er nánast 1000 ára gömul.  Þorlákur helgi Þórhallsson, sá er Þorlákshöfn og Þorláksmessa er kennd við nam hér í Lincoln á árunum 1157  til 1159, en þá var kirkjan langt kominn í byggingu.    Eftir að hann varð biskup í Skálholti þá fór hann til Þrándheims til biskupsvígslu enda heyrði íslenskan kirkjan undir  biskupinn í Niðarósi (Þrándheimi).  Dómkirkjan í Þrándheimi er  nauðalík kirkjunni  í Lincoln, enda var víst samgangur á milli staðanna á þeim árum og eitthvað af súlum og annað eins í þessum byggingum eins !  Um miðja síðustu öld var hér mikill stáliðnaður, sem er að mestu horfinn.  Þannig var fyrsti skriðdrekinn í fyrri heimmstrjöldinni smíðaður í Lincoln og hér voru framleiddar bátavélar er hétu Ruston og voru í ýmsum síðustogurum og bátum sem smíðaðir voru um miðja síðustu öld.  Tímans tönn breytir flestu.  Nóg um það.

Það verður gott að koma heim til Bergrósar og hitta svo börnin fljótlega.  Norðmenn eiga orðatiltæki "borte bra, hjemme  best" og eru það orð að sönnu.

Athugasemdir

[SigrúnSveitó, 9.10.2007 kl. 10:05]

Danir segja; "Ude er godt, hjemme er bedst".  Ég elska þetta orðatiltæki.

Gangi þér vel í ferðinni...þarna kom þá líklega skýringin á því hversu lítið þú hefur bloggað undanfarið...?!! 

[Gísli Gíslason, 9.10.2007 kl. 19:02]

já takk og íslenska útgáfan er einfaldlega "heima er best".

[SigrúnSveitó, 9.10.2007 kl. 19:11]

Nákvæmlega!

[Hertoginn á Bajrti NK (IP-tala skráð) 9.10.2007 kl. 20:37]

Vigo,er það ekki pleisið þar sem Blængur NK hundrað og eitthvað var smíðaður fyrir SVN á sínum tíma og Finnbogi seldi svo til Skagastrandar með sjálfum sér?

[Guðmundur Rafnkell Gíslason, 9.10.2007 kl. 21:43]

Velkominn heim! Skemmtileg lesning.

[Gísli Gíslason, 10.10.2007 kl. 22:39]

Jú Gunnar, Blængur var smíðaður í Vigo.  Og Magnús NK var víst með Ruston vél þegar hann kom fyrst til landsins.