Þörf og mikilvæg stund.

Það er mikilvægt að samfélagið  fjalli meir um sjálfsvíg.  Ég hef lengi ætlað að blogga um þetta og fór fyrir nokkru að skoða þessi mál af vef Hagstofunnar.  

Á árunum 1986-2005 falla 648 Íslendingar fyrir eigin hendi.   Af þessum 648 einstaklingum eru 502 karlar eða 77%.  Oft eru það ungir karlmenn. Borið saman við ýmsar aðrar dánarorsakir þá er þetta mjög há tala. Sjá töflu hér að neðan.

Hjá konum er virkt forvarnarstarf fyrir leit að  bæði brjósta og leghálskrabbameini.   Úr þessum tveimur sjúkdómum létust 1248 konur á árunum 1986-2005.

Á árunum 1986-2005 látast 1356 karlar vegna krabba í blöðruhálskirtli og sjálfsvíga (854+502).  Það er ekki eins skipulögð leit að blöðruhálskirtlakrabbameini fyrir karla eins  og er hjá konum við brjósta og leghálskrabbameini.   Það er lítið fjallað um sjálfsvíg, en 77 % af sjálfvígum eru karlmenn og oft ungir karlmenn jafnvel unglingar. 

Það er full þörf á að karlar gangi jafn skipulega til krabbameins leitar í blöðruhálskirtli, eins og konur gera við brjósta og leghálskrabbameini. 

En það er ekki síður þörf  á að samfélagið geri átak og rjúfi þögnin sem allt um lykur sjálfsvíg.  Fræðsla um sjálfsvíg þarf að komast í grunnskóla og það þarf stórátak í þeim efnum. Ekki síður þurfa allir landsmenn að vita hvert eigi að leita þegar þungi tilverunnar er að buga menn.  Tugir manna falla á  hverju ári fyrir  eigin hendi. Það er alltof há tala.  Vonandi verður minningarstunding í Hallgrímskirkju upphafið að einhverju meiru í þeim efnum og upphafið að virkari  forvarnarstarfi.

 

Tafla:  Íslendingar látnir eftir ýmsum orsökum á árabilinu 1986 til 2005

Sjálfsvíg			648
Eyðni			26
Illkynja æxli í leghálsi, legi og  eggjastokki			493
Brjóstakrabbamein			755
Blöðruhálskirtill			854
Lagnvarandi alkóhólismi			50
Flutningaóhöpp.			662

Heimild. www.hagstofa.is

Fórnarlamba sjálfsvíga minnst

Athugasemdir

[d (IP-tala skráð) 10.10.2007 kl. 23:27]

Þökk fyrir fína grein.  Það vantar einmitt oft upp á að líta á þetta frá þessu sjónarhorni.... fyrirbyggjandi aðgerða er þörf.

[Ragnheiður , 10.10.2007 kl. 23:35]

Kærar þakkir fyrir þetta, afar fróðleg samantekt hjá þér. Takk fyrir að vekja athygli mína á þessu.

[Signý, 11.10.2007 kl. 00:16]

Það er skipulögð leit að blöðruhálskirtlakrabbameini hjá körlum, En krabbameinslæknar og krabbameinsfélagið geta ekki skikkað fólk í krabbameinsskoðun,boltin liggur svolítið hjá ykkur karlmönnum að drífa sig og fara, alveg eins og með konur. Ég hef t.d aldrei farið í svona leghálstékk, samt erboðið upp á það frá 16 eða 18 ára aldri og auðvitað á maður að fara.... bara spéhræðsla í gangi eða eitthvað. Og það er líklega það sem hrjáir karlmennina líka En annars fín grein. 

Friður á jörð! 

[Signý, 11.10.2007 kl. 00:18]

hey já! glemydi öðru, Það er talað um sjálfsvíg í félagsfræði 103 í menntaskóla, allavega var það þannig í mínum skóla þegar ég var þar á fyrsta ári, og þar kom þetta fram að það væru fleiri karlmenn en konur sem fremdu sjálfsvíg og einhvernvegin væru þeir líklegri til þess af einhverri ástæðu sem ég man reyndar ekki hver var... en það þarf samt mun meiri umræðu um þetta...

Friður á jörð! 

[Guðmundur Rafnkell Gíslason, 13.10.2007 kl. 12:31]

Það er alltof mikil þögn... og oft skömm tengd sjálfsvígum. Sjálfur hef ég oft hugsað mér að reyna að legga mitt lóð á vogarskálarnar. Það er löngu kominn tími til.