Húrra fyrir Runólfi !

Runólfur Ágústsson,  framkvæmdastjóri Keilis, miðstöðvar vísinda, fræða og atvinnulífs, skrifar mjög góða grein í Morgunblaðið í dag.  Þar fjallar hann um hina hliðina á jafnréttismálum, þ.e. mun í foreldraábyrgð kynjanna.  Hann segir m.a.

"Yfir 95% leikskólakennara hérlendis eru konur. Um 80% kennara við grunnskóla landsins eru konur. Margir ungir drengir búa hjá mæðrum sínum án daglegrar umgengni við feður sína eða aðra karlmenn. Konur sjá því um uppeldi, mótun og menntun sona okkar bæði á heimili og í skólunum. Hvar eiga drengir að fá eðlilegar fyrirmyndir í sínu uppeldi og sinni kynjamótun. Árangur þeirra í skólakerfinu er hörmulegur og spyrja má hvort hér séu tengsl á milli. "

Hann fjallar svo um að umræðan um jafnrétti snúist um að fjölga konum í stjórnunarstöðum en spyr hvort ekki vanti að fjölga körlum í umönnunarstörfum og auka vægi þeirra í uppeldi barna.  Hann segir í niðurlagi.

"Er ekki kominn tími til að stokka upp þetta kynskipta samfélag þar sem karlar hugsa um peninga og konur um börn? Flest virðist benda til þess að slíkt muni skila okkur auknum árangri á báðum sviðum."

Á fyrsta feðradaginn á Íslandi  í fyrra  hélt Félag ábyrgra feðra ráðstefnu.  Þar fjallaði ég um svipuð mál og Runólfur talaði um, en ræðan er hér og glærurnar hér.

Grein Runólfs er aldeilis orð í tíma töluð og þar bendir hann á hina hliðina á jafnréttismálum, sem vantar alfarið.    Samfélagið þarf á þessari umræðu að halda og það er full ástæða að hrósa Runólfi fyrir þessa grein.

 

Athugasemdir

[Jóhann Kristjánsson (IP-tala skráð) 28.10.2007 kl. 13:41]

Sæll. Mikið er ég sammála þessu. það ríkir því miður mikið óréttlæti í þessum efnum. það er að segja foreldraábyrgðinni. Því miður virðist litið á það sem sjáfsagt mál að konur sinni meirihluta uppeldis. Held að það sé því miður enn sami hugsunargangur og fyrir 75 árum. en í dag er munurinn sá að konur vinna meira úti en þá. En það gleymdist að færa feðurna meira inn í uppeldishlutverkið á móti. Mér persónulega finnst að konur ættu einnig að berjast fyrir því að karlar fái að sinna því hlutverki meira en gert er ráð fyrir nú. Ég gagnrýni yfirvöld fyrir sinnuleysi með því að ákvarða umgengni og takmarka hlutverk okkar feðra sem foreldra með ákvörðunum um umgengni aðeins nokkra daga í mánuði. Það er verið að svipta okkur þeim rétti að geta tekið þátt í daglegu lífi barna okkar.