Til stuðnings Tryggva Þór Herbertssyni.

Þegar Ísland varð sjálfstætt ríki þá var aldursforseti Alþingis Norðfirðingurinn Ingvar Pálmason.  Hann stjórnaði ferföldu húrrahrópi á Þingvöllum þegar þingheimur fagnaði sjálfstæði Íslands þann 17.júní árið 1944.  

 

Ingvar Pálmason 

Æ síðan hafa Norðfirðingar átt fulltrúa á Alþingi Íslendinga og má þar nefna Lúðvík Jósepsson, Hjörleif Guttormsson og nú síðast Einar Már Sigurðsson.   Ingvar Gíslason, dóttur sonur Ingvars Pálmasonar var þingmaður og ráðherra.  Um þeirra fjölskyldu er fjallað á www.ekra.is  Aðrir Norðfirðingar hafa komið við á Alþingi í skemmri tíma.  Nú er ljóst að Einar Már fer ekki aftur á þing og eini möguleikinn til að Norðfirðingar muni eiga fulltrúa á þingi er að Tryggvi Þór Herbertsson hljóti brautargengi í prófkjöri Sjálfstæðismanna í Norð-Austur kjördæmi.

Það er full ástæða fyrir kjósendur í Norð Austur kjördæmi að veita Tryggva brautargengi í 2 sætið á lista Sjálfstæðisflokksins.  Kristjáns Júlíusson og hann yrðu glæsilegir leiðtogar í forystu fyrir flokkinn í NA kjördæminu.    Tryggvi hefur verið einn af okkar fremstu hagfræðingum á síðustu árum.  Tryggvi hefur sýnt Norðfirði margvíslegt vinahót og má nefna að hann og bræður hans gáfu eftir að faðir þeirra dó Norðfirðingafélaginu íbúð Herberts að Hafnarbraut 54 í Neskaupstað.  Félagið rak íbúðina í nokkur ár en var svo seld og eru fjármunir úr þeirri íbúð fjárhagsleg kjölfesta í starfsemi félagsins í dag.   Fyrir þessa gjöf er Norðfirðingafélagið (www.nordfirdingafelagid.is) ákaflega þakklátt Tryggva og bræðrum hans.

Tryggvi hefur komist það sem hann er á eigin forsendum og það er ekki ættarauður eða stórættartengslanet á bakvið hann.  Slíkan mann sem kemst áfram á eigin verðleikum þurufum við að fá á Alþingi Íslendinga og ég vona sannarlega að hann nái 2 sæti í prófkjörinu.  Læt svo fylgja með tvær myndir af Tryggva. Neðri myndin er fengin að láni af Fésbók Gunnars skólabróðirs Þorsteinssonar en hún er af Ingvari Jónssyni og Tryggva frá unglingsárunum þegar lífið var "deiligt".  Langafi Ingvars var Ingvar Pállmason.  Svo er efri myndin ný mynd af Tryggva.

 

Athugasemdir

[Hulda Elma Guðmundsdóttir, 16.3.2009 kl. 16:16]

Þeir voru nokkrir Nobbararnir sem gengu í Sjálfstæðisflokkinn til að tryggja Tryggva Þór brautargengi. Þeir ganga úr flokknum aftur, en áfanganum er náð Tryggvi Þór fer á þing.

[Gísli Gíslason, 16.3.2009 kl. 16:23]

Já það er gott að nokkrir gengu í Sjálfstæðisflokkinn.  Ég heyrði sagt að yfirleitt væri um 20-30 af þeim sem ganga í flokka fyrir prófkjör gangi úr þeim eftir prófkjör.  Vona að hlutfallið verði ekki hærra í Nesk.   Það er aðeins hálft verk að koma Tryggva í 2. sæti.  Það þarf að koma honum einnig á þing og eins og alltaf er sagt þá er maður einn í kjörklefanum ! bestu kveðjur austur.