Víst áróðursmynd !

Bókin Draumalandið var áróðursbók á móti þeirri uppbyggingu sem var á Austurlandi, þar sem einhliða er dregin upp neikvæð mynd af framkvæmdunum og allt gert ótrúverðugt.   Þannig getur mynd byggð á þeirri bók aldrei verið neitt annað en áróðursmynd og ber að skoðast í því ljósi.   

En Kárahnjúkar halda áfram að  framleiða umhverfisvæna orku og álver Alcoa verður áfram einn mikilvægasti vinnuveitanda á Austurlandi.  Hvorutveggja virðist léttvægt fyrir þá sem voru og eru á móti þessari uppbyggingu.

Segir Draumalandið ekki áróðursmynd

Athugasemdir

[Hallgrímur H Gunnarsson (IP-tala skráð) 7.4.2009 kl. 12:44]

Sæll Gísli;

...you are crazy in the brainhouse...skoðaðu skuldastöðu Landsvirkjunar!

[J. Einar Valur Bjarnason Maack , 7.4.2009 kl. 12:59]

Svo við höfum það á hreinu:

Ég er ættaður að austan og veit vel hvernig staðan er/var þar, ég er ekki á móti álverum eða virkjunum, kom uppá hnjúka löngu áður en það var 'inn' og mér fannst þeir álíka skemmtilegt áhorfsefni og að horfa á málningu þorna, það eina sem ég sakna eftir þessa virkjun er að Jökla er horfin úr Jökuldalnum...

...en. Það er eitt sem var stórkostlega athugavert við þetta dæmi alltsaman.

Af hverju var verið að selja orkuna á gjafaverði og skuldsetja Landsvirkjun langt umfram það sem þjóðin get/getur borgað?
Jú... til þess að koma auðlindum okkar allra í einkahendur erlendra stórfyrirtækja á svipaðan máta og þegar launhagfræðingar (sbr launmorðingjar, var fjallað um þá í Silfri Egils á sunnudag) seldu vatnsbirgðir Bólívíu til Bayer Group.

[Gísli Gíslason, 8.4.2009 kl. 11:33]

Í blogginu var verið að skrifa að myndin gæti aldrei verið annað en áróðursmynd, þar sem bókin var það. 

Alcoa fjárfestir hér vegna þess að hér fæst öruggt og ódýrt rafmagn. Það er ekki vegna þess að hér  sé ódýrt vinnuafl og það er ekki vegna þess að hér sé stutt í hráefnið fyrir  vinnsluna að nálægð við stóra markaði. Það er fyrst  og fremst hagstætt raforkuverð sem togar þessa fjárfestingu hingað, en það er fráleitt að tala um að orkan sé á gjafverði.   Á sama tíma og Alcoa nær ásættanlegri arðsemi á sína fjárfestingu hér á landi þá er fullt af fólki veitt vinna og þessi starfsemi er eins og vítamínssprauta í t.d. Fjarðabyggð.  Það er ánægjulegt að sjá þær breytingar sem orðið hafa á samfélaginu eystra.  Þetta er í raun fyrsta uppbygging á svæðinu síðan skuttogarabyltingin var á árunum 1971-1990.  Það er vonandi að svipuð uppbygging verði í Helguvík og við Bakka á Húsavík.  Allt þetta  eykur útflutningsverðmæti þjóðarinnar, sem hlýtur að teljast hið  besta mál.

Þegar á byggingu Kárahnjúka stóð þá komu fram í sviðsljósið hagfræðingar sem sögðu fjárfestinguna  feigðarflan.  Sammerkt með þeim var að þeir voru á móti virkjuninni og leituðu að rökum til að styðja þá skoðun sína.  Sama er með þá sem gáfu út bókina Draumalandið og nú bíómyndina.  Þeir eru í hjarta sínu mjög á móti þessum framkvæmdum og leita og setja fram rök til að styðja sína skoðun.  Hagfræðingar Landsvirkjunar voru á annari skoðun og þeir eru auðvitað þeir einu sem hafa allar upplýsingar sem lágu til að baki þeirri forsendu að ráðist var í þessa byggingu. 

Það kemur víst engum á óvart að nú eftir efnahagshrun íslensku þjóðarinnar að Landsvirkjun stendi ekki eins vel og áður. En Landsvirkjun stendur þetta af sér öfugt við t.d. bankana og mörg önnur fyrirtæki.  Það hlýtur að þýða að Landvirkjun stendur á sterkum grunni, sem eru m.a. þær vatnsaflvirkjanir sem hafa verið reistar hér á síðustu áratugum og hafa marga trygga raforkukaupendur m.a. stóriðjufyrirtæki eins og Alcoa, Alcan og Rio Tinto. 

Nú í atvinnuleysinu er aldrei mikilvægara að finna ný störf.  Stóriðja er og verður mikilvægur þáttur í frekar uppbyggingu hér á landi.  Þeir sem berjast  harðast á móti því ættu frekar að einbeita sér að hugmyndum um aðra uppbyggingu frekar en að vera á móti þeirri uppbyggingu sem fyrir liggur.