Fagra Austurland, jákvæð áhrif virkjana og álvers.

Nýkominn frá firðinum fagra, Norðfirði, þar sem við áttum frábærar stundir um páskana.  Þegar maður fer austur og spyr um fólk þá er ótrúlegur fjöldi sem vinnur beint við álverið eða í störfum  afleiddum vegna uppbyggingarinnar.  Það er ljóst að á Austurlandi  byggi mun færra fólk ef ekki

Oddskarð 

hefði orðið af þessum framkvæmdum, enda fækkað mikið störfum bæði í landbúnaði og sjávarútvegi.

Mikilvægi þessara framkvæmda fyrir samfélagið eystra fær litla fjölmiðla umfjöllun en menn sem gefa út bók og bíómynd um gildishlaðna skoðun sína á þessum framkvæmdum fær mikla umfjöllun og jafnvel fjallað um af mikilli lotningu.  Sjálfsagt er það draumsýn margra  hér  syðra að landsbyggðin verði eins og Hornstrandir.  Allt þetta endurspeglar þá staðreynd að fólk og samfélag á landsbyggðinni á hjá mörgum litla samúð og þegar fólki fækkar þá er það álitið náttúrulögmál nýrra tíma, einskonar söguleg nauðsyn.   En þetta segir manni líka hverslags ægivald fjölmiðlar hafa.

Athugasemdir

[Lárus Vilhjálmsson, 13.4.2009 kl. 15:42]

Það þýðir nú lítið að kvarta yfir lítilli umfjöllun fjölmiðla yfir svokölluðu mikilvægi framkvæmda við Kárahnjúka og Reyðarfjörð. Það hefur engin úttekt verið gerð á því að mér virðist hvorki á vegum opinberra aðila eða annara. Eiga fjölmiðlar að standa fyrir slikri úttekt eða hvað? Afturá móti hafa ýmsir og þar á meðal AGS talið þessar framkvæmdir hafa ýtt undir þensluna og skuldasöfnunina sem olli efnahagshruninu núna í haust. Ég spyr líka varðandi atvinnusköpunina hvort að aðrir atvinnuvegir á Austurlandi eins og t.a.m. sjávarútvegur, landbúnaður og ferðaþjónusta hefðu ekki getað búið til störf á við álverið í Reyðarfirði ef þau hefðu fengið 150 milljarða í fjárfestingu.    

[Gísli Gíslason, 13.4.2009 kl. 17:51]

Það er fullkomnlega eðilegt að benda á að fjölmiðlar fjalla lítið um hið jákvæða vegna þessar framkvæmda.   Stærstur hluti umræðunnar hefur verið neikvæður um þessar framkvæmdir og þeirri umræðu hefur verið stýrt og stjórnað af fjölmiðlum.

Staðreyndin er að það fækkar fólki í sjávarútvegi og landbúnaði, vegna aukinnar hagræðingar og tækni.  Það er auðvelt að sjá það t.d. á flotanum að skipin verða færri og stærri, sama gildir um landbúnaðinn, hvert bú sem búið er á er stærra í dag en fyrir áratugum síðan.  Það hefur mikið verið fjárfest í þessum atvinnuvegum og flest leitt til hagræðingar sem þýðir færra fólk sem þarf til vinnu.  Þannig myndi aukin fjárfesting í sjávarútvegi og landbúnaði á austurlandi trúlega leiða til enn meiri hagræðingar eða þá að kvóti yrði tekinn af öðrum landsfjórðungum.  Þannig myndi það trúlega ekki leiða til nýrra starfa fyrir land og þjóð.

Það hefur jafnframt verið bent á að útlán vegna þessara framkvæmda eystra eru mun minna en t.d. vegna húsnæðisbólunnar hér á höfðuborgarsvæðinu sem og útrásar bankanna.  Húsnæðisbólan skilur eftir sig hálfkláraðar byggingar og lækkandi fasteignaverð, nokkuð sem við þurfum ekki.  Útrás bankanna skilur eftir sig skuldir sem við og afkomendur þurfa að borga.  Kárahnjúkar og álver Alcoa munu næstu áratugi framleiða útflutningsverðmæti og skapa störf.    Það þurfum við í dag.   Kárahnjúkar og álver við Reyðarfjörð fengu  mikla neikvæða umfjöllun þegar verið var að reisa það.  Slík neikvæð/gagnrýnin umfjöllun var ekki í gangi um útrás bankanna og ekki í gangi um húsnæðisbóluna, þó það hefði verið full þörf á því.  Þessari atburðarás stjórnuðu meðvirkir fjölmiðlar.