Vinátta !

Nú barst innum bréfalúguna hið ágætasta blað Sjálfstæðismanna í Kópavogi.   Það var ein grein sem ég staldraði sérstaklega við en hún hét VINÁTTA.  Greinarhöfundur er Hreinn Jónasson.  Hann skiptir vináttunni í 3 flokka:

1. Ánægjuvinir.  Þá er ánægjan sterkasti þáttur í sambandinu og gott dæmi um svona er unglingavinátta sem endist ekki til fullorðinsára, þegar gáski og gleði unglingsáranna er að baki.
2. Nytjavinir.  Það eru vinir sem hafa gagnkvæma hagsmuni af því að vera vinir.  Dæmigert eru "business" vinir.  Þeir bjóða hvorum öðrum í mat o.þ.h er viðskiptin eru driffjöðurin á bakvið tengslin.
3. Andlegir vinir. Manngerðin, skapgerðin og persónan sjálf vega þá mest.  Vinir  í þessum flokki yfirgefa okkur síðast þegar bjátar á.  Þessi vinátta er áralöng og jafnvel ævilöng.

Í  niðurlagi greinarinnar segir  hann:  "vináttan, virðing og traust  er áunnið"  Það er  nokkuð sem allir ættu að hafa í huga.

 

Vinátta

Athugasemdir

[Sigurður Haukur Gíslason, 18.4.2009 kl. 12:42]

Ég staldraði við grein Gunnars Birgissonar og sérstaklega þessa málefnalegu setningu:

"Það er alkunna að vinstri menn þrífast á ömurlegum hliðum lífsins."

Ef ég væri sjálfstæðismaður þá myndi ég skammast mín að hafa þennan mann í mínum flokki.

[Gísli Gíslason, 18.4.2009 kl. 15:19]

Ég skammast mín ekki fyrir að hann sé í Sjálfstæðisflokknum, þó ofangreind setning sé ekki góð, raunar mjög slæm. 

[Sigmar Þór Sveinbjörnsson, 23.4.2009 kl. 21:46]

Heill og sæll Gísli og gleðilet sumar. Þetta er áhuga og umhugsunarvert þetta með skiptingu vináttunar í þessa þrjá flokka, maður hefur ekki hugsað út í þetta. Sennilega er hægt að skipta þessari svokölluðu vináttu í fleiri flokka  og það er öruglega misjafnt hvernig mennirnir meta vináttu. 

kær kveðja

[Hulda Elma Guðmundsdóttir, 25.4.2009 kl. 00:35]

Mér finnst þetta mesta bull, annað hvort er maður vinur eða ekki. Mínir bestu vinir eru frá æskuárunum og þegar aldurinn færist yfir er gott að endurnýja kynni við skólafélaga og fermingarsystkini. Þetta skiptist ekki í Ánægjuvini, Nytjavini eða Andlega vini. Þetta hlýtur að vera eitthvað sérfyrirbæri innan Sjálfstæðisflokksins. Enda VEIT HANN EKKI HVAÐ ER TRAUST EÐA HEIÐARLEIKI.

[Gísli Gíslason, 25.4.2009 kl. 13:17]

Gleðilegt sumar.  Ég tek undir með Elmu að í hópi traustustu og bestu vina eru æskufélagarnir, enda myndu þeir þá væntanlega flokkast í hóp 3.   Ég tek einnig undir með Sigmari að það er hægt að skipta vináttunni í fleiri flokka eða undirflokka.   Mér finnst þessi skipting á vináttunni vel standast og upphrópun Elmu um Sjálfstæðisflokkinn dæma sig sjálf og eru í anda þess sem Gunnar Birgisson skrifaði um vinstri menn í þetta ágæta blað.