Eðlilegt að ekki ríkir einhugur í forystunni !

Sjálfstæðismenn um allt land eru með skiptar skoðanir í Evrópu málum.  Það er því fullkomnlega eðlilegt að ekki ríki einhugur hjá þingmönnum og í forystu flokksins um þessi mál.  Það eina sem kom mér á óvart að ekki skyldu fleiri þingmenn Sjálfstæðisflokksins fara að dæmi Ragnheiðar Ríkarðsdóttur og Þorgerðar Katrínar í þessari atkvæðagreiðslu.  

Bjarni: Óheppilegt að ekki ríkir einhugur í forystunni

Athugasemdir

[Hjörtur J. Guðmundsson, 17.7.2009 kl. 22:57]

Þorgerður Katrín bauð sig fram til endurkjörs sem varaformaður á landsfundi Sjálfstæðisflokksins í marz sl. Þegar kjörið fór fram lá fyrir hver stefna flokksins yrði í Evrópumálum. Þorgerður hafði m.ö.o. alla möguleika á að draga framboð sitt til baka ef hún treysti sér ekki til þess að framfylgja þeirri stefnu.

Varaformaður Sjálfstæðisflokksins ber ábyrgð á innra starfi flokksins og ef sá sem gegnir þeirri stöðu treystir sér ekki til þess að framfylgja stefnu hans, sérstaklega í stórum málum, er ekki óeðlilegt þó vangaveltur vakni um það hvort hann sé rétti aðilinn til þess að gegna þeirri stöðu.

[Gísli Gíslason, 17.7.2009 kl. 23:19]

Stefna Sjálfstæðisflokksins í Evrópumálum á landsfundi hlaut alls ekki einróma kjör og það endurspeglar þá breidd í skoðunum um þessi mál sem er í flokknum.   Það þýðir einfaldlega að það eru margir í flokknum sem eru ekki sammála stefnunni.

Þegar Þorgerður Katrín bauð sig fram sem varaformaður þá lá líka ljóst fyrir hennar skoðun á þessum málum.  Landsfundur kaus hana sem varaformann og þingmaður skal fylgja sinni sannfæringu.  Ég er ekki viss um að allir þingmenn Sjálfstæðisflokksins hafi gert það í þessari atkvæðagreiðslu, en það gerðu Ragnheiður og Þorgerður Katrín.