Frá 2007: Ísland er óþægilega skuldsett erlendis

"Hitt er einnig til að ný orð fái nánast á sig goðsagnakennda helgimynd, eins og orðið útrás sem enginn þorir að vera á móti svo hann verði ekki sakaður um að vera úr takti, hafi ekki framtíðarsýn eins og það heitir nú, og þekki ekki sinn vitjunartíma. Hin hliðin á útrásinni er þó sú og framhjá henni verður ekki horft, að Ísland er að verða óþægilega skuldsett erlendis. Útrásarorðið er slíkt töframerki að jafnvel þegar menn virðast gera innrás í opinber fyrirtæki almennings, þá er innrásin kölluð útrás."

Davíð Oddsson, þáverandi formaður bankastjórnar Seðlabanka Íslands á morgunfundi Viðskiptaráðs 6. nóvember 2007

Athugasemdir

[Heimir Hilmarsson, 1.10.2009 kl. 12:34]

Algerlega magnað hvað múgsefjun Íslendinga gat lokað eyrum allra fyrir viðvörunarorðum Davíðs.

Einnig verðugt rannsóknarverkefni að finna út af hverju svo háværar raddir nýðast á eina íslenska manninum sem þó reyndi að vara okkur virkilega við.

[Gísli Gíslason, 4.10.2009 kl. 12:08]

Þetta var maðurinn sem leiddi ríkisstjórn sem vildi setja reglur um eignarhald á fjölmiðlum.  Fjölmiðlarnir sneru þessu yfir í það að verið væri að ofsækja Baugsveldið og sú orðræða varð ofan á.

Þegar hann svo fór að vara við skuldum bankanna sem bankastjóri, þá túlkuðu blöðin það þannig að þetta væri enn önnur atlagan að Baugi og Jóni Ásgeiri.  Og Baugsmiðlarnir héldu áfram að hamast á Davíð með töluverðum árangri, enda búið að ata hann duglea aur eins og hann bæri ábyrgð á allri heimskreppunni í fjármálum.