Sandkassaleikur í bæjarstjórn Álftaness.

Það hafa oft verið daprar uppákomur í bæjarstjórn Álftaness á þessu kjörtímatímabili og er þetta ein slík. 

Hið hörmulega ástand í bæjarstjórninnni endurspeglar engan veginn það góða samfélag sem er á nesinu.  Sagan ein mun dæma verk Á listans og það er dapurt að forystusauðurinn virðist í algerri afneitun á eigin ábyrgð á stöðu mála og sumir samherjar virðast meðvirkir með hans afneitun.  Bæði afneitun og meðvirkni eru ekki góð meðul til að hægt sé að horfa fram veginn.

Það er geysilega mikilvægt að mikil endurnýjun verði í bæjarstjórn Álftaness svo hægt verði að halda  bæjarstjórnarfundi sem sómi er af.  Það er mikilvægt að meiri og minnihluti geti tekið höndum saman við að vinna samfélagið út úr þessum hörmungum sem Á listinn hefur komið samfélaginu í.

Segir oddvitann ekki tala fyrir sína hönd

Athugasemdir

[Sigrún Óskars, 26.1.2010 kl. 18:01]

ég er algerlega sammála þér Gísli.

[Gísli Gíslason, 26.1.2010 kl. 20:40]

Takk Sigrún.  Ég var að fylgjast með bæjarstjórnarfundi og því miður er þetta sami sandkassaleikurinn.  Alger afneitun á eigin ábyrgð.