Gagnast svona málstað jafnréttis?

Það hefur margt verið skrifað um launamun kynjanna.  Einu sinni voru konur heimavinnandi og karlar fyrirvinnur.  Þá var launamunur kynjanna alger.  En konur ráðstöfuðu oftar en ekki stærstum hluta heimilisteknanna, þar sem þær sáu um heimilið.  Í dag bera konur ennþá meiri ábyrgð á heimilinu og uppeldi barna og bera þ.a.l minna úr bítum á vinnumarkaði en karlar.  En gaman væri að vita ef til væri rannsókn á því, hvort það séu konur eða karla sem eyði meira af heimilistekjunum.  Sjálfsagt er kynbundinn munur þar líka.  En kvennsetinn jafnréttisiðnaður hefur væntanlega ekki áhuga á slíku enda ærið starf að reikna út launamun kynjanna.  Það er iðnaður sem gerir konur að fórnarlömbum og karlmenn eiga að bera ábyrgð á þeirri stöðu.   Svona aðgerð eins og það að brenna peningum er því miður engum til gagns og allra síst baráttunni fyrir jafnrétti kynjanna.

Femínistar brenna peninga

Athugasemdir

[david (IP-tala skráð) 6.7.2010 kl. 09:58]

þetta er bara plain heimska, brenna peninga... hefði verið nær að ljósrita peningana og brenna ljósritin...

[Palli (IP-tala skráð) 6.7.2010 kl. 12:12]

Þú nefnir heimavinnandi konur, þær finnast enn og enginn að berjast fyrir kjörum þeirra, allavega ekki kynsystur þeirra. Þessar mæður eru að spara sveitafélögunum dagvistunarkostnað.

[Guðrún Bjarnadóttir (IP-tala skráð) 6.7.2010 kl. 12:34]

Það er einmitt skelfilegt hvernig konur eyða og sólunda peningunum sem mennirnir þeirra vinna SÉR inn. Stundum kaupa þær td. mat handa sér og börnunum og jafnvel kallinum líka. Mér finnst full ástæða til að rannsaka þessa eyðslusemi.

[Gísli Gíslason, 6.7.2010 kl. 14:05]

Það er rannsakað hve mikið karlmenn og konur þéna og niðurstaða að karlmenn þéna meira og það er litið á það sem samfélagslegt vandamál.  Er þá eitthvað að því að rannsaka hvort það séu konur eða karlar sem ráðstafa frekar þessum fjármunum.  Það er trúlega kynbundinn munur í eyðslu kynjanna rétt eins og það er kynbundinn launamunur.