Ritstjórnarstefna Morgunblaðsins í EB málum

Það er með ólíkindum að Morgunblaðið tekst að birtar margar greinar sem gerir málsstað Evrópusambandsins veikan.  Varla ratar nokkur frétt í síður Mbl sem fjalla um EB á hlutlausan eða jákvæðan hátt.

Morgunblaðið er að mínu viti ekki lengur hin gangrýni samfélagsrýnir sem fjallar um báðar hliðir á málum eins og manni fannst blaðið vera þegar Matthías og Styrmir voru ritstjórar.

Mér þykir vænt um Morgunblaðið og vona að það verði aftur sjálfstæður samfélagsrýnir þar sem mál er krufin en ekki málgagn ákveðinna sjónarmiða sem ráða því hvaða fréttir þar birtast. 

Vill að Bretar gangi í EFTA

Athugasemdir

[Marteinn Unnar Heiðarsson, 8.7.2010 kl. 12:57]

Ekki veitir af að einhver segi sannleikann um ESB,því ekki gera Baugsmiðlar það enda áróðusfjölmiðlar ríkisstjórnarinnar um aðild að ESB og ekki er nú sagt mikið neikvætt í þeim fjölmiðlum um ESB.......

[Sigurður Sigurðsson, 8.7.2010 kl. 12:57]

Hvaða bull er þetta eiginlega í þér,  í Morgunblaðinu fá allir að birta greinar sínar, hvort heldur er með eða móti inngöngu Íslands í ESB, þar birtast líka jákvæðar fréttir af ESB, þegar það á við.

Kannski ættir þú að rýna ögn betur í Fréttablaðið - ´(auglýsingablað Haga), ef einhversstaðar í veröldinni eru litaðar fréttir og einum málstað haldið fram, þá er það þar.  Og hvers vegna skyldi það nú vera ?? 

Er það kannski tangarhald eigandans, sem allir vita og sjá, sem hefur þessi áhrif ??  Hefur þú t.d. fundið eina klausum um 1300 milljónirnar sem Jón Ásgeir greiddi inn á lán sitt á íbúðina í NY, en nýlega sagðist hann ekki eiga neina peninga erlendis.

Rökin hinsvegar fyrir því að Ísland eigi að standa utan ESB eru svo yfirgnæfandi að þau sjónarmið verða að sjást einhversstaðar, þú verður nú að viðurkenna það, enda eru þau í samræmi við vilja 70% þjóðarinnar !!!

[Gísli Gíslason, 8.7.2010 kl. 13:06]

Það hlýtur að vera eftirspurn eftir því að fjölmiðlar fjalli um málefni frá báðum hliðum, en ekki bara annarri.   Því miður eru bæði Baugsmiðlar og nú líka Morgunblaðið settir undir sömu sök.  Ritstjórnarstefna stýrir fréttaflutningi frekar en að gagnrýnin fréttamennska sem rýnir í mál.  Léleg fréttamennska Baugsmiðlana réttlætir ekki að Morgunblaðið eigi að taka upp sömu vinnubrögð. 

[Ragnhildur Kolka, 8.7.2010 kl. 13:14]

Er það ekki jákvæð frétt að fleiri vilji vera með okkur í EFTA? Það myndi styrkja EFTA í samningum við ESB og jafnframt styrkja samningagerð okkar við hinar 85% þjóðirnar sem standa fyrir utan ESB.

Betra gæti það ekki verið.

[Eiki S. (IP-tala skráð) 8.7.2010 kl. 13:24]

Þessi Daniel Hannan er skrýtimenni og kemst hvergi í fréttir nema hér á landi og á einstaka youtube-link þar sem opinberar sig sem jólasvein hvað eftir annað. Auk þess er ég ekki viss um að það væri okkur til framdráttar að hafa UK í EFTA. Þetta er frétt um einn mann með skrýtnar skoðanir...meira ekki

[Gísli Gíslason, 8.7.2010 kl. 13:29]

Með eða á móti EB, er eitt en það sem er málið er að fjölmiðlar fjalli faglega um mál en séu ekki með kranafréttamennsku til að þóknast ritstjórnarstefnu sinni eins og þessi frétt er.  

[Kolbrún Hilmars, 8.7.2010 kl. 13:46]

Gísli, ég held að fréttamiðlum öllum verði að vorkunnast fyrir að geta ekki birt nógu jákvæðar fréttir af ESB. Þar er ýmislegt að gerast sem er hreint ekki jákvætt.

En Fréttablaðið má eiga það að allflestir pistlahöfundar þar reyna - ætli MBL sé ekki bara nauðsynlegt mótvægi.

[Finnur Bárðarson, 8.7.2010 kl. 13:51]

Blaðið var læsilegt meðan Ólafur Stephensen var ritstjóri. Síðan var blaðinu breytt í dagbókarkompu Davíðs Oddssonar.

[Ragnhildur Kolka, 8.7.2010 kl. 14:11]

Gísli: Morgunblaðið hefur markað sér ritstjórnarstefnu í ESB málinu og það hefur Fréttablaðið líka gert. Ekkert við það að athuga.

Væri ekki nær að þú beindir athugasemd þinni að ritstjórnarstefnu RÚV í ESB-málinu. Þar er, jú hlutleysi bundið í lög þótt ekki verði það merkt í fréttaflutningnum.

[Gísli Ingvarsson, 8.7.2010 kl. 14:17]

Það er ekkert að þessu. Daniel Hannan er nobody sem ekki einusinni íhaldsflokkurinn gat notað. Þessi maður lifir hinsvegar snýkjulífi á evrópuþinginu og notar aðstöðu sína til að rægja allt sem viðkemur ESB. Það má segja að það séu fá atkvæði á bak við hann og áhrifin þaðan af minni. Hann er því ekki fréttnæmur nema af því að hann segir hluti sem ritstjórn mbl finnst vera sniðugir. Kannski þeir hafi fundi fjöl sína í utanríkismálum eftir að þeir höfnuðu vestrænu samstarfi.

[Landið (IP-tala skráð) 8.7.2010 kl. 14:21]

Lesið ykkur bara til um það sem er í boði í ESB hér:

http://www.eudemocrats.org/fileadmin/user_upload/Documents/D-Reader_friendly_latest%20version.pdf

Greinin um Evrópuskattinn er ansi áhugaverð er nr. 311 ef ég man rétt.

[Gísli Gíslason, 8.7.2010 kl. 14:54]

Það er gott og blessað að Morgunblaðið hafi ritstjórnarstefnu að sjá allt neikvætt við EB og einnig gott og blessað að Fréttablaðið hafi aðra ritstjórnarstefnu.  En fréttamennska á að fjalla um fréttir og gagnrýnar fréttir en ekki kranafréttamennska til þjónustu ritstjórnarstefnu viðkomandi fjölmiðils.

[Guðmundur Ásgeirsson, 8.7.2010 kl. 15:11]

Vissulega er Morgunblaðinu beitt sem áróðurstæki í þessum málaflokki. Það kallast mótvægi og er nauðsynlegt svo áróðurinn frá Brüssell verði ekki allsráðandi.

[Egill (IP-tala skráð) 8.7.2010 kl. 15:12]

Ég veit amk. ekki alveg af hverju þetta getur talist fréttir. Þessi maður hefur alltaf haft þessa skoðun en það er enginn grundvöllur fyrir þessu hjá almenningi í Bretlandi.

[Landið (IP-tala skráð) 8.7.2010 kl. 15:14]

Af hverju hlaupa menn til þegar einhver kemur með fréttir sem ekki eru hagstæðar ESB og kalla það áróður? Þarna er einungis verið að vitna í breskan þingmann sem telur rétt að Bretar gangi í EFTA og úr ESB. Það sem gefur þessari frétt vigt er að þingmaðurinn er leiðtogi íhaldsmanna á Evrópuþinginu og nú fara þeir með völd í Bretlandi.

[Gísli Gíslason, 8.7.2010 kl. 15:53]

Það skapast ekki trúverðugleiki ef blaðið á að vera með ritstýrða kranafréttamennsku til að vera mótvægi við aðra ritstýrða kranafrétttamennsku.  Þá er staðan sú að hvorugur fjölmiðilinn er trúverðugur heldur þarf að lesa báða og deila í með tveimur til að reyna að nálgast sannleikann.

Sóknarmöguleiki Morgunblaðsins sem fjölmiðils liggur í því að vera trúverðugur og gagnrýninn fréttamiðill.   Verða aftur blað allra landsmanna eins og þegar Styrmir og Matthías réðu þar ríkjum og gagnrýnin hugsun réð ríkjum og vönduð fréttamennska.  Við það skapast trúverðugleiki.  

[Kolbrún Hilmars, 8.7.2010 kl. 16:00]

Gísli, nú ætla ég að snúa við athugasemd þinni #12:

"Það er gott og blessað að Fréttablaðið hafi ritstjórnarstefnu að sjá allt jákvætt við EB og einnig gott og blessað að MBL hafi aðra ritstjórnarstefnu."

Hver er munurinn?

[Guðmundur Ásgeirsson, 8.7.2010 kl. 16:44]

Gísli: Þetta er svosem alveg rétt hjá þér, að með því að mynda mótvægi verður hvorug stefnan trúverðug og deila þarf með tveimur til að finna eitthað nálægt sannleikanum. En þetta er einmitt tilgangurinn. Hinn möguleikinn væri að einhliða áróður frá Brüssel fengi að vaða uppi án mótvægis. Væri það eitthvað skárra?

[Gísli Gíslason, 8.7.2010 kl. 22:11]

Meginmálið í mínum  huga er að það er mikilvægt að eiga trúverðugan fjölmiðil. Slíkur fjölmiðill myndi fjalla á faglegan hátt um kosti og galla aðildar að EB.  Því miður höfum við ekki slíkan og á meðan ræður kranafréttamennska sem þjónar tilgangi ritstjórnarstefnu viðkomandi fjölmiðils.  Fréttin sem hér er bloggað um er gott dæmi um slíkt.

[Guðbjörn Guðbjörnsson, 8.7.2010 kl. 23:57]

Í Guðanna bænum ekki stöðva þetta!

Þetta er svo óborganlegt!

Hannan heldur örugglega að Norðmenn eigi það EFTA dvöl sinni að þakka að þeir eru 3. stærsta olíuútflutningsríki heims.

Sennilega heldur hann að við EFTA aðild uppgötvi Bretar demanta- eða gullnámur í Wales! 

[Gísli Gíslason, 9.7.2010 kl. 09:06]

Já segðu og svona fréttamennska endurspeglar hnignun Morgunblaðsins, því miður.

[Bjarni (IP-tala skráð) 9.7.2010 kl. 11:24]

Já ég sakna þess að geta treyst því sem morgunblaðið segir. Það var eitt sinn hornsteinn í Íslenskri fjölmiðlaútgáfu, en nú eru þeir orðnir að áróðursmiðli, og þá litlu betri en gamli Þjóðviljinn.

[Gísli Gíslason, 9.7.2010 kl. 16:31]

Bjarni sammála og Morgunblaðið lifði en Þjóðviljinn dó og ein ástæða þess var að Morgunblaðinu tókst að breyta blaðinu úr flokksmálgagni í "blað allra landsmanna".   Nú er Morgunblaðið aftur orðið málgagn og nú þeirra sem sjá allt neikvætt í EB og fjalla því bara um EB á neikvæðan hátt.

[Kristján P. Gudmundsson, 16.7.2010 kl. 11:24]

Gísli, kunnir þú betur við Morgunblaðið, þegar prestsonurinn úr Viðey ritstýrði því ?

Kv., KPG.

[Gísli Gíslason, 22.7.2010 kl. 12:04]

Ég kunni best við Morgunblaðið þegar Styrmir og Matthías stjórnuðu því en blaðið undir stjórn prestsonarins var betra en það sem Mogginn er í dag.