Tveir hæfir leiðtogar !

Sjálfstæðisflokkurinn fór í gegnum einhverjar erfiðustu Alþingiskosningar árið 2009 þegar fylgið fór í sögulegt lágmark.  Síðan hefur flokkurinn styrkst og meirihluti þingflokksins styður Bjarna Benediktsson sem formann, enda er hann búinn að ganga með flokkinn í gegnum dimmann dal.  Ég held að flestir innan Sjálfstæðisflokksins séu sammála að Bjarni hefur vaxið sem leiðtogi.

Skoðanakannanir benda aftur á móti til að bæði meirihluti kjósenda og meirihluti kjósenda Sjálfstæðisflokksins líti á Hönnu Birnu sem framtíðarleiðtoga flokksins.  Trúlega í því ljósi hefur hún nú tilkynnt framboð sitt.  Hún hefur einnig sýnt leiðtogahæfileika í borginni, þegar hún varð borgarstjóri og stoppaði skálmöld sem var búin að ríkja í borgarmálum.

Sjálfstæðismenn geta því valið á milli tveggja mjög hæfra frambjóðenda.

Það vekur eftirtekt mína að bæði Bjarni og Hanna Birna boða mjög harða og neikvæða afstöðu til Evrópusambandsins og má helst skilja að þau telji hagsmunum Íslands betur borgið um aldur og ævi fyrir utan EB.  Já og bæði virðast ekki vilji sjá hvað kemur úr aðildarviðræðum sem nú er í gangi, því bæði vilja draga núverandi umsókn Íslands að EB tilbaka.  Þessi harða afstaða Sjálfstæðisflokksins til aðildarumsóknar er einnig ríkjandi skoðun í Framsóknarflokknum. 

Haldi bæði Sjálfstæðisflokkur og Framsóknarflokkur við sínar einstrengislegur neikvæðu EB ályktanir, þá heldur áfram að myndast tómarúm hjá stórum hópi fólks með borgaralegar skoðanir, sem kýs ekki vinstri flokkana en vill skoða aðild að EB með opnum huga.   Það versta sem kæmi út úr þessu öllu ef þetta skapaði pláss fyrir nýjan borgaralegan stjórnmálaflokk.  Það þarf ekki fleiri stjórnmálaflokka, en það þarf að styrkja innviði þeirra sem fyrir eru.  Vonandi verður formanns kosning í Sjálfstæðisflokknum til að styrkja innviði hans.

Hanna Birna í herferð

Athugasemdir

[Sigurður Þorsteinsson, 6.11.2011 kl. 20:27]

Gísli, snemma árs 2008 mætti ég á fund, þar sem Bjarni hélt ræðu. Hann hafði þá nokkru áður skrifað grein með Illuga Gunnarssyni sem hann var að gagnrýna efnaghagsstjórn þáverandi ríkisstjórnar. Á þeim fundi var hann spurður um afstöðu sina til ESB. Hann sagðis hafa rætt við ráðamenn hjá ESB og spurt þá um marga þá þætti sem skiptu Ísland máli. Svörin hjá þessum ráðamönnum hefðu sannfært hann um að viðræður myndu ekki skila okkur ásættanlegri niðurstöðu. Ýmis tekn væru hins vegar á lofti, sem gætu breytt þessari niðurstöðu. Hins vegar í ljósi þess að um 70% þjóðinni þá vildu láta reyna á aðildarviðræður, taldi Bjarni fráleitt út frá lýðræðissjónarmiði að virða þá afstöðu að vettugi. Þegar síðar afstaða þjóðarinnar breyttist, á taldi Bjarni að fara ætti að vilja meirihluta þjóðarinnar og tímanum væri betur varið í annað en viðræður við ESB, sem ljóst væri að yrðu felldar.

[Gísli Gíslason, 6.11.2011 kl. 22:59]

Siggi, meirihluti landsmanna vill ljúka þessum viðræðum skv skoðanakönnunn fyrir ekki svo löngu, en bæði Bjarni og Hanna Birna vilja hætta þessum viðræðum/umsóknarferli ef ég hef skilið þau rétt.

Sjálfstæðisflokkurinn verður að móti umburðarlynda EB stefnu þannig að sá hluti kjósenda sem aðhillist grunngildi Sjálfstæðisflokksins en er EB sinnað geti áfram kosið flokkinn og það verði ekki eitthvað tómarúm sem gefi orðið jarðvegur fyrir nýjan borgaralegan flokk.