Hvað með feðra eða karlahlaup?

Það er frábært að konur, mæður og dætur hlaupi og skokki sér til heilsubótar.   Hreyfing er holl og  góð vísa er aldrei of oft kveðin. Það er fallegt að horfa á ömmur, mömmur og dætur skokka, labba eða hjóla  saman.

Ég spyr, væri ekki hollt og gott að hafa einnig feðra eða karlahlaup, þar sem afar, feður og synir myndu skokka sér til heilsubótar líkt og þetta þarfa framtak Sjóvá og ÍSÍ?

Konur hlaupa víða í dag

Athugasemdir

[Dögg Pálsdóttir, 16.6.2007 kl. 22:39]

Við eigum mæðradag og nýlega feðradag. Næsti áfangi er klárt karlahlaup þar sem feður taka þátt og taka börnin sín með (ekkert endilega bara synina - mér sýnist konurnar taka börnin með, ekki bara stelpurnar). Enda er markmiðið að auka þann tíma sem feður verja með börnum sínum (hvort sem þeir búa með mæðrum barna sinna eða ekki).

[Gísli Gíslason, 17.6.2007 kl. 17:21]

það væri sannarlega þarft að setja á fót karlahlaup, hliðstæðu kvennhlaupsins.  Góð og  jákvæð umgjörð kvennahlaupsins ætti að vera hvatning fyrir að halda sambærilegt karlahlaup.