Tími Þorrablóta.

Um síðustu helgi fórum við hjónin á þorrablót hér á Álftanesi. Það var margt um mannin, flott skemmtiatriði og Sigga Rósa og Rikki stjórnuðu þessu af mikilli list.  Svo var flott ball en þetta var haldið í íþróttahúsinu. Þetta var frábær skemmtun.  Lions klúbbur Álftaness og Kvennfélagið á Álftanesi eiga heiður skilin fyrir að halda árlega frábær þorrablót.

Nú erum við hjónin stödd á æskuslóðunum austur í Neskaupstað.  Hér ríkir vetur rétt eins og á höfuðborgarsvæðinu.   Alltaf fallegt á Austurlandi, sama hvort það er sumar eða vetur.   Á morgun er kommablótið, þ.e. Þorrablót Alþýðublandalagsins í Neskaupstað og á það erum við að fara !!!  Já Alþýðubandalagið í Neskaupstað er víst til og heldur eitt þorrablót á ári og það þarf ekkert flokksskírteini þar inn !  Ég býst við að það sé ekki á mörgum stöðum á landinu þar sem fólk kemur með þorramat í trogi, þ.e. hópar um hvert trog, en sá siður lifir góðu lífi hér og er skemmtileg stemmning.   Svo er þetta líka flöskuball eins og í denn.  Ég hef ekki farið á þorrablót í Neskaupstað síðan 1982 svo þetta verður spennandi.

Athugasemdir

[SigrúnSveitó, 3.2.2008 kl. 14:02]

Oooohhh, vona að þið hafið átt yndislegt kvöld, þorramatur í trogi og annáll með.  Hef sko oft skemmt mér vel á allaballablóti og sveitablóti. 

[Gísli Bergsveinn Ívarsson, 4.2.2008 kl. 00:24]

Hæ frændi

Vona að þú hafir getað skemmt þér vel um helgina með kommunum

[Gísli Gíslason, 4.2.2008 kl. 22:15]

Hæ, já takk þetta var frábær skemmtun.  Trúlega ekki margir staðir á landinu sem halda þorrablót með trogum og aðeins hnífur notaður til við að borða, og alveg ekta er að vera með vasahníf.  Svo  eru engir diskar, bara servíettur eða trébútar undir.