Umboðsmaður Alþingis er ekki óskeikull.

Að öllu jöfnu er talað um embætti Umboðsmanns Alþingis af mikilli virðingu.  Umboðsmaður er ekki bara Tryggvi Gunnarsson, heldur embætti sem hann veitir forstöðu.  Þar starfa a.m.k 5 lögmenn.  Ekki veit ég hver er ráðningarferlið á þessum einstaklingum.  Er gerð t.d. svipuð krafa við ráðningu eins og gerð er við ráðningu  héraðsdómara ?  Eða er bara nægjanlegt að vera lögfræðingur og þannig gerðar sömu kröfur eins og þegar ráðin er fulltrúi hjá embættum Sýslumanna. Hvað sem því líður þá verð ég að segja að það sem ég þekki til embættis Umboðsmanns Alþingis þá veit ég að það, sem frá embættinu kemur, getur verið umdeilanlegt.

Embættið hefur ítrekað úrskurðað að Sýslumönnum sé heimilt að dæma einstaklinga (feður) í aukið meðlag.  Eina forsendan sem liggur þar að baki eru tekjur þess er greiða meðlagið.  Skiptir þá engu máli tekjur þess er þiggur meðlagið. Það skiptir engu máli hversu mikið barnið er hjá meðlagsgreiðenda, það skiptir engu máli hvað það kostar að fá barn til sín. 

Ég þekki dæmi þess að barn sé hjá föður sínum 12 daga í mánuði og faðirinn hafi minni ráðstöfunartekjur en móðir, þ.e. þegar búið er að taka tillit til skattafrádráttar, barnabóta, o.þ.h.  Þessi maður er úrskurðaður í aukið meðlag. Þetta er í raun ekkert annað en eignaupptaka og þetta er blessað af Umboðsmanni Alþingis (mál 4899/2007).  Þessi úrskurður birtist ekki á leitarvef embættisins.Meginþema gildandi barnalaga (76/2003) er að það sem er barni fyrir bestu skuli ráða þegar ákveða á eitthvað um  hag barna.

 

Í gildandi barnalögum er kveðið á um framfærsluskyldu foreldra. sbr 53. gr. „Skylt er foreldrum, báðum saman og hvoru um sig, að framfæra barn sitt. Framfærslu barns skal haga af hliðsjón af högum foreldra og þörfum barns.“  Í 57 gr. segir „Meðlag skal ákveða með hliðsjón af þörfum barns og fjárhagsstöðu og öðrum högum beggja foreldra, þar á meðal aflahæfi þeirra.“  

 

Embætti Umboðsmanns Alþingis blessar athafnir framkvæmdavaldsins sem hámarkar fjárstreymi frá meðlagsgreiðanda (föður) til lögheimilisforeldris (móðir) og túlkar það sem bestu hagsmuni  barna.  Þetta opinberar þekkingarleysi embættisins á hvað séu bestu hagsmunir barna og túlkun þeirra á ákvæðum barnalaga sem engan veginn stenst tímans tönn.  

 

Þegar embætti Umboðsmanns Alþingis  er ósammála túlkun Árna Matthiesen um hver sé  hæfastur til að gegna  embætti héraðsdómara við Héraðsdóm Norð Austurlands,  þá segir það mér ekkert annað en að embættið er ósammála Árna.  Hvað sem er rétt eða rangt í þessu máli þá felst enginn sannleikur í túlkun embætti Umboðsmanns Alþingis. 

 

Athugasemdir

[Sigurður Haukur Gíslason, 29.3.2008 kl. 13:02]

Þessar meðlagsgreiðslur eru úr takti við allan raunveruleika. Barnsmóðir mín bað sýslumann að skipa mér að borga sér tvöfallt meðlag. Hún þurfti ekki að rökstyðja það á nokkurn hátt. Sýslumaður fór í viðmiðunartöflu sem ráðuneytið gefur út og skipaði mér í framhaldi að borga 75% álag ofaná einfalda meðlagið þrátt fyrir að barnsmóðirin sé með hærri tekjur en ég.

Veit um fleiri svona dæmi en það er eins og þessi mál séu alltaf þögguð niður.

[Gísli Gíslason, 29.3.2008 kl. 13:35]

Umboðsmaður Alþingis hefur blessað allar athafnir framkvæmdavaldsins  í þessum málum.  Þannig heldur framkvæmdavaldið áfram sinni vinnu og getur með góðri samvisku vitnað í óteljandi úrskurði frá Umboðsmanni Alþingis.   Þessi mál hafa í mínum huga gengisfellt embætti Umboðsmanns Alþingis.

[Jóhann Kristjánsson, 30.3.2008 kl. 22:24]

Það er líka alveg vítavert að ekki sé tekið tillit til skulda meðlagsgreiðanda. Það er nefnilega mjög hugsanlegt að sumstaðar geti aukið meðlag komið í veg fyrir umgengni þ.e þegar foreldr getur kannski rétt dekkað aukameðlagið og getur ekki fengið barnið til sín sökum fjárhagserfiðleika. Hef allavega dæmi þess en þó er aðeins um að ræða einfallt meðlag í því tilviki. 

[Silla (IP-tala skráð) 31.3.2008 kl. 14:09]

Hvað eruð þið karlar alltaf að væla undan meðlagi........................!!!! Ættuð þið ekki að styðja barnsmæður ykkar frekar en væla undan lúsalágu meðlagi.

[Guðbjörg (IP-tala skráð) 31.3.2008 kl. 14:16]

Já maður verður svo sorrý, þegar aumingja talið vegna meðlaganna byrjar.  Vilja karlar ekki taka neina ábyrgð á sínum börnum !!!  

[skh (IP-tala skráð) 31.3.2008 kl. 23:44]

Silla. Er 38.000 lúsalágt meðlag? Feður ættu að styðja börn sín, barnsmæðurnar eru í flestum tilfellum fullfærar til þess að sjá um sig sjálfar, og þurfa ekki á stuðningi barnsfeðra að halda.

Guðbjörg, Jú svo sannarlega, vandmálið er bara, að það er frekar ílla séð að feður (meðlagsgreiðendur) séu mikið í því að taka ákvarðanir eða bera ábyrgð á börnum sínum.

[Silla (IP-tala skráð) 1.4.2008 kl. 08:35]

Veit SKH ekkert hvað það kostar að framfæra barni ??? Námskeið, föt, skíði, matur, föt, talva, barnapíur osfrv.  Það er ömurlegt þegar menn væla undan því að þeir þurfa að bera ábyrgð sínum börnum.  Hvað er eiginlega í gangi með íslenska karla ??

[skh (IP-tala skráð) 1.4.2008 kl. 17:38]

Jú skh þekkir aðeins inn á það hvað kostar að framfæra barn. Afhverju heldur Silla að það sé bein tenging á milli meðlags og þess hvað feður kaupa handa börnum sínum? Heldur Silla að feður kaupi ekki mat, föt, skíði,tölvu osfrv handa þeim??

Hverjir eru að væla yfir því að bera ábyrgð á börnum sínum??

Ekki neinn sem hefur skrifað hér á þessa síðu í það minnsta. 

Hér er verið að fjalla um dæmi eins og þetta hér

"Ég þekki dæmi þess að barn sé hjá föður sínum 12 daga í mánuði og faðirinn hafi minni ráðstöfunartekjur en móðir, þ.e. þegar búið er að taka tillit til skattafrádráttar, barnabóta, o.þ.h.  Þessi maður er úrskurðaður í aukið meðlag."

Hvað er að, hjá hluta af íslensku kvenfólki???????????? 

[Gísli Gíslason, 1.4.2008 kl. 19:59]

Þetta er nokkuð dæmigert fyrir umræðu um meðlag.  Það eru einföld efnisleg rök fyrir því að maður sem hefur barnið sitt í 12 daga í mánuði ætti ekki að greiða sama meðlag og maður sem hefur barnið ekkert eða 2-4 daga.  Það eru líka efnisleg rök að með auknum tekjum móður ættu meðlagsgreiðslur frá föður að minnka.  Ég held  að flestir séu sammála þessum rökum.  En þetta vantar í  kerfið hér á landi og Umboðsmaður Alþingis hefur  blessað að það þurfi ekki að taka tillit til þessa.  Því hef ég lítið álit á því embætti.