Ekki í mínu nafni !

Ómar Ragnarsson marseraði á sínum tíma með 10-15 000 manns niður Laugarveginn og mótmælti Kárahnjúkavirkjun.  Það voru margfalt öflugri mótmæli og öfugt við þessi læti við Alþingi í dag, þá voru mótmæli hans eðlileg mótmæli þar sem fólk kom sjónarmiðum sínum á framfæri.   Í framhaldi bauð Ómar fram til Alþingis  enda taldi sig eiga mikið inni eftir að hafa fengið víðtækan stuðning í mótmælagöngu sinni.   Allir vita hvernig það fór,  hann náði ekki kjöri, þrátt fyrir víðtæka samstöðu í mótmælagöngu sinni.

Þetta voru 1000-2000 manns eða brotabrot af þeim fjölda sem Ómar Ragnarsson fékk með sér á sínum tíma.  Þessir mótmælendur tala ekki fyrir hönd þjóðarinnar og tala sannarlega ekki í mínu nafni.   Það er í góðu lagi að mótmæla, það er hluti af okkar lýðræðislega rétti,  en svona framferði eins og viðgengst í dag er engum til góðs

Það er mikilvægt núna ríkisstjórnin haldi sjó og klára sína vinnu og svo verði kosið þegar kjörtímabilinu er lokið.  Bæði tími, fjármunir og vinna er betur varið í annað en kosningabaráttu eins og ástatt er í þjóðfélaginu.

Enn mótmælt við þinghúsið

Athugasemdir

[Hulda Elma Guðmundsdóttir, 21.1.2009 kl. 23:29]

Tek undir þetta Gísli. Ég skil vel reiði fólks en þessi skrílslæti við Alþingishúsið eiga engan rétt á sér. Hvað hefur þetta fólk fram að færa annað en hrópandi slagorð. Þetta er ekki rétta leiðin til að koma málefnum á framfæri.

[Gísli Gíslason, 22.1.2009 kl. 16:43]

Sammála.  Skrílslæti eru ekki boðleg og mótmælin eru því miður að þróast í þá átt.  Fólk hefur fullan rétt á að mótmæla en skrílslæti og ofbeldi á ekki að líðast.