Mogginn um álið !

Sú var tíð að maður bar mikla virðingu fyrir ritstjórnar greinum Morgunblaðsins.   Ég held að velflestir séu sammála að blaðið og ritstjórnarstefna þess hefur veikst verulega á síðustu árum. Mogginn hafði m.a. miklar efasemdir um ágæti framkvæmda við Kárahnjúka og byggingu álvers á Reyðarfirði.  Mér  fannst blaðið falla í nákvæmlega sömu gryfju og aðrir fjölmiðlar hér á landi með einhliða fréttamennsku af þessum framkvæmdum.  Það er því sérstaklega ánægjulegt að lesa leiðar Morgunblaðsins í dag þar sem segir m.a:

 "Þegar jafnt net- sem bankabólur springa verður framleiðsla á hrávörum eins og áli hlutfallslega verðmætari en áður. Viðskiptajöfnuður, sem margir horfa til þegar styrkur efnahagslífsins er metinn, er hagstæðari en ella. Verðmæti sem felast í fallvötnum og jarðvarma eru nýtt. Fjöldi fólks hefur lifibrauð sitt af því að starfa í álverum eða starfsemi þeim tengdri. Tekjur hins opinbera af þessari starfsemi nema milljörðum króna sem notaðir eru til að veita mikilvæga opinbera þjónustu.

Erfiðar aðstæður í efnahagslífinu setja þennan ávinning af starfsemi álvera í nýtt samhengi. "

Þessi tónn er raunsær og ánægjulegur.  Vonandi er þetta upphafið að endurreisn Morgunblaðsins.

Athugasemdir

[Hertoginn á Bjarti NK (IP-tala skráð) 13.6.2008 kl. 16:45]

Mogginn lýgur aldrig Gísli. Íþróttasíðan er allltaf góð.

[Gísli Gíslason, 14.6.2008 kl. 20:40]

Það er erfitt að fullyrða aldrei, en Mogginn hefur verið trúverðugt blað, já og íþróttafréttirnar góðar.