Hvernig myndast verðið til neytenda?

Það skiptir mig ekki meginmáli hvort ég kaupi heita vatnið eða rafmagnið af Ross Beaty eða Orkuveitu Reykjavíkur.  Það sem skiptir máli er hvað orkan kostar.  Það er ekki hægt að segja að það sé samkeppnismarkaður sem myndi verð á raforku eða heitu vatni til neytenda.  Verðið er ákveðið einhliða af seljanda.  Í mínum huga skiptir öllu máli að það sé skýr verðlagsstefna að þessar einingar séu reknar þannig að reksturinn standa undir sér en ekkert meira en það.   Sem lægst orkuverð til neytenda þýðir það að meira peningur verður eftir hjá almenningi. Á því græðir allt samfélagið. 

Verðið á HS Orku var of hátt

Flottur fulltrúi !

Eva Joly stendur sannarlega með íslensku þjóðinni.  Það er annað en samninganefndin sem Svavar Gestsson fór fyrir og bara samþykkti tillögur Breta og Hollendinga.  Maður hefur það á trúnni að vilji VG til að standa með þjóðinni í þessu sé takmarkaður, því í þeirra huga er hrunið allt Sjálfstæðisflokknum að kenna og kannski bara ágætt að þjóðinn finni fyrir því.   A.m.k finnst manni vanta bæði getu og vilja til að standa í lappirnar í viðræðunum við Breta og Hollendinga.

Ísland þarf leiðtoga sem bæði sameinar þjóðina að lausn í Icesave deilunni og sameinar þjóðina að lausn út úr kreppunni.  Lausnin hlýtur alltaf að vera að búa til ný störf og útrýma atvinnuleysinu.  Því miður er Eva Joly ekki íslensk en við þurfum manneskju eins og hana sem getur talað mannamál úti í heimi, er tekin alvarlega en síðast en ekki síst þá þarf slík manneskja að stýra þjóðarskútunni útúr þessum þrengingum. 

Joly: Tilvera Íslands í húfi

Óásættanlegt !

Trúlega eru ekki mörg lönd í  heiminum þar sem málfrelsi er meira en á Íslandi. Fólk getur komið sjónarmiðum sínum á framfæri á ýmsa vegu. 

Ástandið í samfélaginu er ekki gott og því mótmæla margir, enda er víða mjög erfitt ástand.  Það breytir ekki því í að þegar Alþingi og Dómkirkja eru skemmd þá eru það ekkert annað en skrílslæti og koma óorði á mótmælendur.  

Köstuðu hellum í þinghúsið

Vanhæfir þingmenn.

Í mínum huga er alveg klárt að þeir þingmenn sem sátu á þingi 2008 eru vanhæfir til að fjalla um þetta mál og greiða atkvæði.  Skiptir þá engu máli hvort þingmaðurinn heitir, Bjarni Benediktsson, Jóhanna Sigurðardóttir eða Steingrímur J. Sigfússon, nú eða Þórunn Sveinbjörnsdóttir.   Til þess eru þessi þingmenn of tengdir bæði þeim 4 ráðherrum sem um ræðir og tengdir þeim atburðum sem verið er að fjalla um.

Það er mikilvægt að þingið klári þetta mál þannig að sómi sé af og afgreiðslan verði þannig að hún standist söguskoðun framtíðarinnar.  Til þess ættu þeir þingmenn sem sátu á þingi 2008 að kalla inn varamenn og láta þá fjalla um þetta mál og afgreiða.

Fráleitt að framið hafi verið refsivert athæfi

Það er ekki EB sem fer með samningsumboð Skota!

Eitt af rökunum gegn aðild Íslands að EB og gegn því að rætt sé um kosti og galla aðildar er að samningsumboð Íslands um fiskstofna okkar flytjist frá Íslandi til Brussels.   EB gefi engar undanþágur um það. 

Í þessari frétt er staðfest að Skotar hafa sinn fulltrúa sem forystumann bresku nefndarinnar á sáttafundi um makrílmál á vegum Evrópusambandsins.  Það er ekki EB sem fer með samningsumboð fyrir Skota, heldur bretar og skotar þar í forystu. 

Miðað við þessa frétt þá stenst það engan veginn að það sé sjálfgefið að við missum þetta samningsumboð. 

 

 

Skotar talsmenn Breta á makrílfundi

Þingmenn sem voru á Alþingi 2008 eru vanhæfir til að fjalla um Landsdóm !

Nú er til umfjöllunar á þingi hvort það eigi að það eigi að setja á fót Landsdóm og stefna 4 fyrrverandi ráðherrum til saka vegna meintrar vanrækslu í aðdraganda efnahagshrunsins.  Að stefna þessum ráðherrum þýðir ekki að þingið hafi tekið afstöðu til sektar eða sýknu, heldur að hér geti verið um sekt að ræða og því sé nauðsynlegt að fá úr því skorið hvort þessir fyrrverandi ráðherrar hafi gerst sekir við þau lagaákvæði sem svokölluð Atlanefnd rannsakaði.

Nú sýnist mér  að þeir þingmenn sem tengjast þessum ráðherrum vinaböndum og voru nánir samstarfsmenn þeirra eru frekar á móti því að þeir séu ákærðir.  Mér sýnist þetta oftar en ekki vera þingmenn sem sátu á þingi með þessum ráðherrum árið 2008.   Ég skil vel að það er erfitt að stefna vinnufélugum og jafnvel vinum sínum fyrir dóm. 

Í mínum huga er alveg klárt að þeir þingmenn sem sátu á þingi 2008 eru vanhæfir til að fjalla um þetta mál.  Skiptir þá engu máli hvort þingmaðurinn heitir, Bjarni Benediktsson, Jóhanna Sigurðardóttir eða Steingrímur J. Sigfússon.   Til þess eru þessi þingmenn of tengdir bæði þeim 4 ráðherrum sem um ræðir og tengdir þeim atburðum sem verið er að fjalla um.

Það eru mörg dæmi í sögulegu samhengi þar sem ósanngjarnt uppgjör í samtímanum hefur áhrif í framtíðinni.   Því er mikilvægt að þingið klári þetta mál þannig að sómi sé af og afgreiðslan verði þannig að hún standist söguskoðun framtíðarinnar.  Til þess ættu þeir þingmenn sem sátu á þingi 2008 að kalla inn varamenn og láta þá fjalla um þetta mál og afgreiða.

Skila umsögn á morgun

Ekki meginmálið hver á, heldur hvernig er verðið til neytenda búið til.

Þegar verið er að selja vatn, heitt eða kalt  og rafmagn til neytenda, þá skiptir í mínum huga litlu máli hver á fyrirtækin heldur hvernig er verðið reiknað út sem við þurfum að greiða fyrir vatnið og rafmagnið.  Það er ljóst að  verðið myndast ekki á markaði heldur er það að mestu ákvörðun seljanda, sbr þegar Alfreð Þorsteinsson hækkaði heita vatnið vegna þess að það sumar var heitt og því minni orkusala og ekki nægar tekjur.   Í mínum huga á verðlagningin að standa undir kostnaði við rekstur O.R.  en ekkert meira.  Fyrirtæki eins og O.R. eiga að vera skilgreind sem "cost center" en ekki "profitt center", þ.e. tekjur eiga að duga fyrir útgjöldum en ekki skapa eigendum einhvern hagnað sem er svo til niðurgreiðslu í Borgarsjóði.   Verð sem stendur bara undir eðlilegum útgjöldum verður ávallt lægsta verð.   Á því hagnast allt samfélagið því þá hefur almenningur meira fé á milli handana sem eytt er í annað. 

 

SUS vill einkavæða Orkuveitu Reykjavíkur

Jón Gnarr flytji í Borgartúnið.

Í dag er stærstu hluti stjórnsýslu Reykjavíkurborgar í Borgartún 12-14.  En Borgarstjóri situr  í Ráðhúsinu við Tjörnina ásam nánustu samstarfs- og embættismönnum.   Það væri örugglega hagræðing fyrir borgina ef Jón Gnarr myndi flytja sitt embætti og þeirra sem sitja í Ráðhúsinu yfir í Borgartúnið.  Þá væri Borgarstjóri mitt í þeirri hringiðu embættismanna borgarinnar og hluti af þeirri heild.  Það mætti örugglega finna gott pláss fyrir þessa starfsemi í Borgartúninu og nýta þar með það húsnæði betur.  Ráðhúsinu væri örugglega hægt að finna annað hlutverk, jafnvel leigja út og skapa þannig tekjur í félitla sjóði Reykjavíkurborgar.   Hér er sóknarfæri til hagræðingar fyrir Jón Gnarr.

Jón Gnarr: Héraðsdómur flytji sig annað

Eðlilegt að ákæra

Í mínum huga er mjög eðlilegt að ákæra þessa einstaklinga fyrir árás á Alþingi.  Það er grafalvarlegt að gera árás á löggjafarsamkomuna og í raun algjörlega óþolandi að slíkt skuli gerast hér á landi.  Alveg sama þó að það hafi verið hvika í samfélaginu sökum efnahagshrunsins.  Málið gegn þessum einstaklingum á því að fá eðlilega meðferð fyrir dómsstólum.  Í mínum huga eru engin efnisleg rök fyrir því að fella niður dómsmál gegn þessum einstaklingum, sem höfðu hegðað sér á þennan hátt.

Mörður: Hættið vitleysunni og fellið niður ákærur

Blessaður Mogginn.

Það er ánægjulegt að einn af dáðustu sonum Norðfjarðar skuli vera sýndur þessi heiður.  Tryggvi Ólafsson er vel að þessu kominn. 

Í greininni er sagt að flest verk hans séu "frá Myndlistarsafni Tryggva Ólafssonar Á NeskaupSStað".  Ég neita því ekki að það fer alltaf smá í taugarnar hjá mér þegar Neskaupstaður er ritaður með 2 SS-um og sagt á Neskaupstað.  Myndlistarsafn Tryggva er í Neskaupstað en ekki Á NeskaupSStað.  Svona málfar er ekkert einsdæmi í fjölmiðlun, því miður.

Verk Tryggva Ólafssonar sýnd á Norðurbryggju