Aung San Suu Kyi er Nelson Mandela Asíu.

Nelson Mandela barðist fyrir lýðræði og gegn aðskilnaðarstefnu stjórnvalda. Það kostaði hann  áratugi í fangelsi en að lokum var hann látinn laus og  aðskilnaðarstefnan leið undir lok.  Í framhaldinu var Nelson Mandela kosinn forseti.  Hann er í dag eftirlaunaþegi og trúlega einn merkasti núlifandi stjórnmálamaður.  Aung San Suu Kyi berst fyrir lýðræði í Búrma, gegn herforingjastjórninni þar.  Hún eins og Nelson Mandela forðum, situr nú bak við lás og slá.  Hún eins og Nelson Mandela forðum hefur réttlætið sín meginnn.  Þannig getur Aung San Suu Kyi ekki annað en unnið, rétt eins og Nelson Mandela gerði.  Vonandi gerist það fyrr en seinna.  Afdráttarlaus stuðningur alþjóðasamfélagsins hjálpar til og trúlega nauðsynlegur til að svo gerist.

Kallar eftir lausn Suu Kyi

Skríll !!!

Þetta blessaða fólk ætti að nota krafta sína í að  koma með hugmyndir að nýjum störfum sem eru þeim þóknanleg frekar en að vera með svona uppákomur.   Þetta er forkastanleg framkoma og þessu fólki til skammar.

Skyri slett á aðsetur Alcoa

Eðlilegt að ekki ríkir einhugur í forystunni !

Sjálfstæðismenn um allt land eru með skiptar skoðanir í Evrópu málum.  Það er því fullkomnlega eðlilegt að ekki ríki einhugur hjá þingmönnum og í forystu flokksins um þessi mál.  Það eina sem kom mér á óvart að ekki skyldu fleiri þingmenn Sjálfstæðisflokksins fara að dæmi Ragnheiðar Ríkarðsdóttur og Þorgerðar Katrínar í þessari atkvæðagreiðslu.  

Bjarni: Óheppilegt að ekki ríkir einhugur í forystunni

Bessastaðahreppi !

Blessaður Mogginn! Stundum finnst manni orðalag blaðamanna ekki fagmannlegt og nú skrifar blaðamaður að loka þurfti fyrir kalda vatnið í Bessastaðahreppi!   Það eru nú orðin nokkur ár síðan Bessastaðahreppur hætti að vera hreppur og varð Sveitarfélagið Álftanes. 

Ekkert kalt vatn á Álftanesi

Þörf umræða.

Umræða um ofbeldi gengur oftast út á að konur séu fórnarlömb og karlar gerendur í nánast öllu ofbeldi.    Ég vil benda á vísindagreinasafn sem fjallar um að konur eru minnst jafn ofbeldisfullar  og  karlar, þeirra ofbeldi er þó öðruvísi.   Þar segir í samatekt.

#This bibliography examines 249 scholarly investigations: 194 empirical studies and 55 reviews and/or analyses, which demonstrate that women are as physically aggressive, or more aggressive, than men in their relationships with their spouses or male partners.  The aggregate sample size in the reviewed studies exceeds 241,700. #

Skv öðrum alþjóðlegum rannsóknum eru oftast báðir aðilar ofbeldisfullir, þegar ofbeldi er í parasamböndum. Um það má lesa hér.  

Það er sérstakt hvað ofbeldi gegn körlum er lítið rannsakað hér á landi.

Heimilisofbeldi gegn körlum óþekkt stærð

Gísli Sigurbergur Gíslason.

Ég er staddur austur í Neskaupstað, en faðir minn lést í gær á Fjórðungssjúkrahúsinu í Neskaupstað eftir erfið veikindi.  Set hér  tvær myndir af honum, eina þegar hann er 27 ára að leika á harmonikku í kjallaranum á Grund.  Hin er nokkurra ára gömul tekin áður en hann veiktist.  Guð blessi minningu góðs manns.

 

 

 

 

 

 

Úr Morgunblaðinu 2. júlí 2009.

Gísli Sigurbergur Gíslason

Gísli Sigurbergur Gíslason fæddist í Neskaupstað 30. júlí árið 1939. Hann lést á Fjórðungssjúkrahúsinu í Neskaupstað 25. júní 2009. Foreldrar hans voru Gísli Bergsveinsson útgerðarmaður, f. í Mjóafirði 11. júní 1894, d. 20. mars 1971, og Eyleif Jónsdóttir, f. á Vestra-Horni 2. mars 1908, d. 2. apríl 1989. Systkini Gísla Sigurbergs eru Ólöf Sigríður, Jóna Guðbjörg, Bergsveina Halldóra og Sólveig Sigurjóna.

Gísli Sigurbergur kvæntist 13. október 1963 Guðrúnu Maríu Jóhannsdóttur, f. í Neskaupstað 5. ágúst 1944. Foreldrar Jóhann Pétur Guðmundsson, f. 11. nóvember 1918, d. 19. mars 1989, og María Ingiríður Jóhannsdóttir, f. 11. september 1923. Gísli og Guðrún bjuggu í Neskaupstað allan sinn búskap. Þau eignuðust fjóra syni: 1) Jóhann Pétur vélstjóri, Neskaupstað, f. 19. maí 1962, kvæntur Sigríði Þorgeirsdóttur. Sonur þeirra er Sigurbergur Ingi. Fyrir átti Jóhann Pétur syni, Rúnar Þór, barnsmóðir Ólöf Másdóttir, og Kristin Þór, barnsmóðir Lára Kristinsdóttir. Fyrir átti Sigríður, Jónínu Hörpu Njálsdóttur. 2) Gísli lífefnafræðingur, Álftanesi, f. 22. apríl 1964, kvæntur Bergrós Guðmundsdóttur. Börn hans frá fyrra hjónabandi eru Eyleif Ósk og Gísli Veigar, barnsmóðir Aðalheiður Ósk Þorleifsdóttir. 3) Guðmundur Rafnkell framkvæmdastjóri, Neskaupstað, f. 19. febrúar 1970, kvæntur Guðrúnu Smáradóttur. Dætur þeirra eru Eyrún Björg og María Bóel. 3) Eyleifur Þór, f. 5. janúar 1973, d. 12. febrúar 1989. Fyrir átti Gísli Sigurbergur soninn Heimi Berg, f. 12. júlí 1960, kvæntur Sólrúnu Hansdóttur og eiga þau 4 dætur, þær eru: Hildur Valgerður, Sólborg Berglind, Dagbjört Ósk og Eyleif Þóra.

Gísli Sigurbergur fór strax eftir skyldunám til sjós á Björgu NK 103 sem faðir hans gerði út. Hann varð vélstjóri og síðar skipstjóri við útgerðina. Hann lauk vélstjórnarprófi árið 1957 og skipstjórnarprófi frá Stýrimannaskólanum í Reykjavík árið 1960. Eftir það var hann skipstjóri á Björgu NK 103. Árið 1975 var útgerðin seld og þá um vorið hóf Gísli störf hjá Norðfjarðarhöfn og starfaði þar allan sinn starfsaldur, lengst af sem hafnarstjóri. Mörg haust fór Gísli Sigurbergur á síldveiðar og var með ýmis skip en einnig sigldi hann mörg sumur í afleysingum á skipum Síldarvinnslunnar með ísvarinn fisk til Bretlands. Hann starfaði einnig tímabundið hjá Landhelgisgæslunni þegar Íslendingar háðu baráttuna um 12 mílna landhelgina. Það atvikaðist að Bretar tóku til fanga varðskipsmenn sem tóku breskan togara í landhelgi. Þá vantaði tímabundið mannskap á varðskipið Þór og var Gísli í hópi vaskra manna frá Norðfirði sem fylltu það skarð. Gísli lærði snemma á harmonikku, trompet og spilaði einnig á fleiri hljóðfæri. Hann var í fyrstu lúðrasveit Norðfjarðar en hafði áður leikið með Lúðrasveit verkalýðsins í Reykjavík. Gísli Sigurbergur var mjög virkur í harmonikkufélagi Norðfjarðar (FHUN) og spilaði þar síðast með félögum sínum þann 1. maí sl. Hann var einnig félagi í Lions-klúbbi Norðfjarðar á meðan hann starfaði og hann var einnig um tíma ritari í Skipstjóra- og stýrimannafélaginu Sindra í Neskaupstað.

Útför Gísla Sigurbergs fór fram frá Norðfjarðarkirkju í dag, 2. júlí, og hefst athöfnin kl. 14.

• Hvers vegna er leiknum lokið?
• Ég leita en finn ekki svar.
• Ég finn hjá mér þörf að þakka
• þetta sem eitt sinn var.  (Starri í Garði.)

Faðir okkar fæddist á Norðfirði þar sem hann ólst upp og bjó alla tíð. Hann var vanafastur í sínu lífi. Þannig ólst hann upp á Strandgötunni í Neskaupstað, hann byggði sér hús við Urðarteig 18 og þangað flutti fjölskyldan árið 1969 og þar bjó hann eftir það. Öll starfsævi hans tengdist á einn eða annan hátt sjávarútvegi.

Pabbi varð skipstjóri við útgerð föður síns og seinna hluthafi. Trúlega var hann einn yngsti ef ekki yngsti maður á Norðfirði sem varð skipstjóri á síldarbát en hann varð skipstjóri rétt um tvítugt. Það tíðkast til sjós að nefna skipstjórann „karlinn“ og faðir okkar var enginn undantekning. Hann var karlinn í brúnni á Björgu NK þó hann væri jafnvel yngstur um borð.

Árið 1975 var útgerðin seld og fljótlega hóf hann störf við höfnina í Neskaupstað og varð fljótt hafnarstjóri. Hann naut starfsins við höfnina til hins ýtrasta og oft var glatt á hjalla á vigtinni þegar vinir og félagar kíktu í kaffi og ræddu fiskirí og heimsmálin. Pabbi var í fyrstu lúðrasveit Norðfjarðar og starfaði í Lionsklúbbi Norðfjarðar og í Lionskórnum. Á síðustu árum hefur hann starfað í Félagi harmonikuunnenda í Neskaupstað (FHUN). Hann var ávallt hluthafi í Síldarvinnslunni og fylgdist grannt með gangi þess fyrirtækis, sem hefur verið svo mikilvægt fyrir þann stað sem honum þótti svo vænt um. Pabbi var maður hlédrægur og oft voru samskiptaformin einföld. Ef hann var ekki sammála, þá svaraði hann einfaldlega „iss“ og hallaði höfði hugsi. Ef hann var sammála þá kom „já,já, það er ekkert flóknara en það“. Nú ef hann var mikið glaður þá blístraði hann út í eitt. Þegar maður sá hann keyra bíl þá var hann gjarnan blístrandi nú eða sló taktinn í stýrið, enda átti tónlistin ríkan þátt í hans lífi. Það fór svo að hann var í mörg ár í Tónskóla Neskaupstaðar nú síðasta áratuginn. Pabbi kunni ákaflega vel við sig í góðra vina hópi. Hann var tryggur vinur vina sinna og nú á þessari stundu má vel finna þá miklu væntumþykju sem samfélagið hér í Neskaupstað umvefur fjölskylduna.

Í veikindum pabba sýndi hann mikinn styrk og æðruleysi. Hann barðist áfram með viljann að vopni og var eins og alltaf vel studdur af mömmu. Ást og vinátta þeirra var einlæg og mikil enda búin að rölta saman lífsveginn í blíðu og stríðu í nálægt hálfa öld. Það er ekki bara sorg, heldur líka ríkt þakklæti sem fer í gegnum hugann nú þegar faðir okkar er látinn eftir erfið veikindi. Þakklæti fyrir allar góðu stundirnar, fyrir það að hafa átt alla ævi traustan og góðan föður sem skapaði ásamt móður og stórfjölskyldu þá kjölfestu sem er hverju barni nauðsynleg. Börnin okkar elskuðu afa sinn mikið og hann fylgdist vel með því sem þau voru að gera allt til síðasta dags. Minningin um góðan föður, tengdaföður og afa lifir með okkur um ókomna tíð.

• Allar stundir okkar hér
• er mér ljúft að muna.
• Fyllstu þakkir flyt ég þér
• fyrir samveruna.  (Har. S. Mag.)

Jóhann Pétur, Gísli, Guðmundur Rafnkell og Heimir Berg Gíslasynir.  

2007 ástand í Menntaskólamálum.

Sem betur fer eru flestir framhaldsskólar hér á landi mjög ágætir og það er auðvitað mikil blessun að grunnskólanemi með 7,5 í einkunn  getur átt jafn bjarta framtíð eða jafnvel bjartari framtíð en hinir með einkunn 8,5 og hærra sem fara í MR, MH, Kvennó eða Versló.  Faglegur munur á milli menntaskólastofnana er trúlega ekki eins mikill og sá ímyndaði munur sem búið er að draga upp.  Þessi ímyndaði huglægi munur finnst manni vera voðalega mikið 2007 ástand.  

Foreldrar bálreiðir

Gott hjá Obama.

Bæði faðir og móðir eiga ávallt að vera virk í uppeldi barns, óháð hjúskaparstöðu þeirra. Rannsóknir sýna að aukin þáttaka feðra í uppeldi barnanna styrkir börnin og þau öðlast sterkari sjálfsmynd fyrir fullorðinsárin. Í Barnasáttmála Sameinuðuþjóðanna segir í 18. gr:

"Aðildarríki skulu gera það sem í þeirra valdi stendur til að tryggja að sú meginregla sé virt að foreldrar beri sameiginlega ábyrgð á að ala upp barn og koma því til þroska. Foreldrar, eða lögráðamenn, ef við á, bera aðalábyrgð á uppeldi barns og því að barni sé komið til þroska. Það sem barninu er fyrir bestu skal vera þeim efst í huga."

Í hinum vestræna heimi hefur á síðustu árum orðið vakning um mikilvægi feðra í uppeldi barna.  Börn sem ólust upp án hins líffræðilega föður lentu miklu oftar afvega í lífinu.  Þannig er það stór samfélagsleg ögrun að tryggja börnum þann rétt að alast upp hjá báðum foreldrum líka þegar foreldrarnir búa ekki saman.  Með virkri þáttöku beggja foreldra í uppeldinu fækkar börnum sem lenda afvega og  á því græða allir.  Obama er vissulega dæmi um mann sem ólst upp án föður en hefur vegnað vel. Mér skilst að afi hans og amma hafi að stórum hluta alið hann upp það skarð.  Engu að síður gott hjá Obama að fjalla um mikilvægi feðra í lífi barna. 

Obama hvetur feður til að standa sig í stykkinu

Þarf að auka forvarnir, líka fyrir karla.

 Á Íslandi er regluleg krabbameinsleit fyrir bæði brjósta- og leghálskrabbamein.  Ég velti fyrir mér af hverju er ekki reglubundin skimun til að greina fleiri sjúkdóma ?    

Í töflu hér að neðan má sjá að á 10 ára tímabili eru margir sjúkdómar sem leggja  jafn marga eða fleiri en þeir sjúkdómar, þar sem stundaðar eru regluleg krabbameinsleit.

 

Dánarorsakir	1986-2005
Eyðni	26
Illkynja æxli í leghálsi, legi og  eggjastokki	493
Brjóstakrabbamein	755
Lagnvarandi alkóhólismi	50
Flutningaóhöpp.	662
Sjálfsvíg	648
Blöðruhálskirtill	854
Ristill, endaþarmur	964

Heimild.  www.hagstofa.is 

Eyðni.

Trúlega er það virkum forvörnum að  þakka að þessi sjúkdómur varð ekki að faraldri.  Einnig hafa forvarnir aukið upplýsingar um sjúkdómin og þar með minnkað vanþekkingu og fordóma.

 

Æxli í leghálsi, legi og eggjastokkum og brjóstakrabbamein.

Konur fara reglulega í skimun fyrir bæði brjóst og leghálskrabbameini.  Þannig er mörgum lífum bjargað og oft er baráttan við illvígan sjúkdóm hafin mun fyrr sem eykur líkur á bata.

 

Langvarandi alkóhólismi.

Umræða og upplýsingar ásamt virku starfi SÁÁ hefur skilað samfélaginu ómældum forvörnum og hjálpað hundruðum einstaklingar að ná fótfestu til að lifa með þennan illvíga sjúkdóm. 

 

Flutningaóhöpp.

Við sjáum reglulega í auglýsingar og uppstillt bílflök  við þjóðvegin o.s.frv.  Þetta hefur ríkt forvarnargildi og  bjargar árlega mörgum frá að lenda í alvarlegum bílslysum þar sem afleiðingar geta verið ýmist andlát eða örkuml.

 

Sjálfsvíg.

Það eru svipað margir sam hafa fallið fyrir eigin hendi á síðutu 10 árum og hafa látist í umferðarslysum.  Hér erum við trúlega nánast á byrjunarreit, lítið sem ekkert forvarnarstarf og þögnin er ennþá þung um þennan málaflokk.

 Blöðruhálskirtill.

Það eru fleiri  karlmenn sem látast úr krabbameini í blöðruhálskirtli en konur úr brjóstakrabbameini.  Það er rík þörf á að komið verði á fót reglubundinni krabbameinsleit, eins og tíðkast við leit að brjósta og legháls krabbameini.

 

Ristill og endaþarmur.

Á 10 ára tímabili látast tæplega 1000 manns og það eru bæði konur og  karlar.   Það er rík þörf  að koma á fót reglubundinni krabbameinsleit fyrir þennan sjúkdóm. 

Niðurlag.

Það er mikilvægt að samfélagið setji á fót krabbameinsleitarstöðvar til að skima  krabbamein bæði í blöðruhálsi,  ristli og endaþarmi.  Við að greina sjúkdóma  á frumstigi, þá aukast líkur á bata.  Færri einstaklingar þurfa að fara í miklar og erfiðar krabbameinsmeðferðir. Að greina sjúkdóminn snemma gerir baráttu sjúkllingsins auðveldari og sparar jafnframt hinu opinbera fjármuni við erfiðar og langvinnar lækningameðferðir.  Þeir fjármunir eru betur nýttir í forvarnarstarf.

Karlar látast frekar vegna krabbameins en konur

ICESAVE

Ég hef nú ekki náð alveg til botns í þessari Icesave deilu við Breta og Hollendinga.  Rakst á hjálagða grein sem mer finnst upplýsandi og góð.   Greinin heitir "Ellefu firrur um Icesave" og er skrifuð af Jóni Helga Egilssyni.  Greinin er hér: http://pressan.is/Pressupennar/Lesagrein/ellefu-firrur-um-icesave/  Vonandi að Alþingismenn séu jafn vel upplýstir og sá er ritar þessa grein.