Sorgleg staða góðs samfélags.

Það er staðreynd að bæjarsjóður Álftaness er kominn í þrot. 

Það er staðreynd að Á listinn kennir efnahagshruninu um sínar ófarir og talar um að það hafi kostað samfélagið hér jafnvel 1 miljarð.  Það er aftur á móti staðreynd að skuldir og skuldbindingar bæjarstjóðs Álftaness er ríflega 7 miljarðar en greiðsluþol að hámarki 2-2,5 miljarðar, skv eftirlitsnefnd um fjármál sveitarfélaga.  Jafnvel þó hrunið hafi kostað Álftnesina 1 miljarð þá er skuldastaðan óviðráðanleg.

Það er staðreynd að frá og með árinu 2006 hefur verið neikvætt veltufé frá rekstri.   Það þýðir að bæjarsjóður hefur ekki haft nægar tekjur til að standa undir reglulegum útgjöldum og ekki haft krónu til að greiða af lánum. 

Það er staðreynd að á sama tíma og það var neikvætt veltufé frá rekstri þá jók meirihluti Á lista skuldir margfald.  Taldi það vera allt í lag því þetta væru skuldir utan efnahags, þ.e. leiguskuldbindingar og kom því ekki í efnahagsreikninginn.

Það er staðreynd að þegar allt var komið í þrot þá var farið að tala um sveitarfélaginu vantaði pening úr jöfnunarsjóði.  Eðlilegra hefði verið að koma skikk á reksturinn áður en farið var í auknar skuldsetningu.

Það er staðreynd að Á listi kennir dýrum grunnskóla um slæmt efnahagsástand, þ.e. dýr pr útsvarsgreiðanda.  Það er aftur á móti staðreynd að við höfum vel rekinn og góðann grunnskóla á Álftanesi þar sem kostnaður pr nemenda er með því lægsta sem þekkist.

Það er staðreynd að minnihluti D-lista varaði við ýmsu.  Það er líka staðreynda að öll gagnrýni var afgreidd, fyrst sagt að það væri svekkelsi yfir tapi í kosningunum og svo að þetta væri niðurrifstuð og neikvæðni osfrv.  Þannig var málefnaleg gagnrýni svæfð.

 Að kenna efnahagshruninu og barnmörgu samfélagi er aðeins hluti af skýringum.  Megin ábyrgðin er hjá þeim er leiddu Á listann.Mér virðist forkálfar Á lista sem eftir eru vera í algerri afneitun á eigin ábyrgð í þessum hörmungum.  Vonandi eru fáir meðvirkir með þessari afneitun.  Það er gott samfélag á Álftanesi og það verður það áfram. 

Álftanesi verði skipuð fjárhaldsstjórn

Ánægjulegt.

Ég hef skrifað mikið um meðlagsmál, enda sjaldan orðið fyrir  jafn miklum vonbrigðum á lífsleiðinni eins og að kynnast stjórnsýslu og túlkun stjórnsýslunnar á þessum málaflokk.   Það toppaði svo allt þegar Umboðsmaður Alþingis blessaði allan ógjörning stjórnsýslunnar.   En sagan í þessu er svona:

·        Árið  2004 skrifaði ég fyrstu greinina um ísl meðlagskerfið. http://www.mbl.is/mm/gagnasafn/grein.html?grein_id=834327 

·        Árið 2005 komu nokkrar fleiri greinarhttp://www.mbl.is/mm/gagnasafn/grein.html?grein_id=1022910http://www.mbl.is/mm/gagnasafn/grein.html?grein_id=1017518http://www.mbl.is/mm/gagnasafn/grein.html?grein_id=1044176http://www.mbl.is/mm/gagnasafn/grein.html?grein_id=1010519 

·        Árið 2006 komu áfram nokkrar greinarhttp://www.mbl.is/mm/gagnasafn/grein.html?grein_id=1097138, http://www.mbl.is/mm/gagnasafn/grein.html?grein_id=1122036, http://www.mbl.is/mm/gagnasafn/grein.html?grein_id=1114478

 

·        Árið 2008 ákvað  Dómsmálaráðherra að skip 3 manna nefnd undir forystu Guðnýjar Eydal til að gera tillögur að nýju meðlagskerfi.

http://www.domsmalaraduneyti.is/frettatilkynningar/nr/6460.   Það var byggt á skýrslu sem ég gerði fyrir ráðuneytið

http://www.domsmalaraduneyti.is/media/frettir/Medlagskerfi.pdf

 ·        Árið 2010, nefnd Guðnýjar Eydal skilar tillögumhttp://www.mbl.is/mm/frettir/innlent/2010/02/04/tillaga_um_breytt_medlagskerfi/ Sjá einnig á vef ráðuneytisins.http://www.domsmalaraduneyti.is/frettatilkynningar/nr/6926http://www.domsmalaraduneyti.is/media/frettir/Frumvarp_medlag_04.02.10.pdf   

 Nú á ég eftir að skoða í hverju breytingarnar felast en á ofangreindu sér maður að það er hægt að hafa áhrif á Íslandi, séu menn með góðan málsstað sem hægt er að færa efnisleg rök fyrir sínum málsstað.

Tillaga um breytt meðlagskerfi

Réttur barna til beggja foreldra!

Í Barnasáttmála Sameinuðuþjóðanna er kveðið skýrt á að barn á rétt á að mynda fjölskyldutengsl við báða foreldra. 

Í Barnasáttmálanum stendur m.a.:

"10.gr. 2. Barn sem á foreldra búsetta í mismunandi ríkjum á rétt til þess að halda persónulegum tengslum og beinu sambandi við þau bæði með reglubundnum hætti, nema sérstaklega standi á. Í því skyni, og í samræmi við skuldbindingar sínar samkvæmt 1. tölul. 9. gr., skulu aðildarríki virða rétt barns og foreldra þess til að fara frá hvaða landi sem er, þar á meðal eigin landi, og til að koma til eigin lands. Réttur til að fara frá hvaða landi sem er skal einungis háður þeim takmörkunum sem ákveðnar eru með lögum og nauðsynlegar eru til að gætt sé öryggis þjóðarinnar, allsherjarreglu (ordre public), heilbrigðis almennings eða siðgæðis, eða réttar og frelsis annarra, og sem samræmast öðrum réttindum viðurkenndum í samningi þessum.
......

18. gr.
1. Aðildarríki skulu gera það sem í þeirra valdi stendur til að tryggja að sú mginregla sé virt að foreldrar beri sameiginlega ábyrgð á að ala upp barn og koma því til þroska. ..."

Það verður fróðlegt að fylgjast með hvort Noregur og Marokkó tryggji þessum börnum rétt sinn til að umgangast ríkulega báða foreldra, og mynda tengl við þá báða menningarheima sem eru órjúfanlegur hluti af því hver þau eru.  Eða hvort hér sé nýtt Halim Al mál, þar sem heimvöllurinn er Noregur en ekki Tyrkland og foreldrið norsk móðir en ekki Halim Al.

Marokkó krefst aðgerða

Ef börnin hefðu verið tekin frá Noregi ?

Svona mál eru alltaf erfið en í mínum huga vandamálið það að börn eru látin velja of mikið á milli foreldra þegar svona staða er.   Eðlilegra er að tryggja rétt barna til beggja foreldra, líka þegar foreldrar búa hvort í sínu landi.  Í dag er það þannig, bæði hér á landi og erlendis, að ef annað foreldrið hertekur börn og er einbeittur brotavilji þá komast foreldrar upp með það að útiloka hitt foreldrið frá börnunum.  Halim Al er skýrt dæmi um slíkt enþað er líka slatti af Halim Al foreldrum hér á landi, oftast mæður sem útiloka hitt foreldrið frá samvistum við sameiginleg börn.

Nú ætla ég ekki að leggja neinn dóm á það sem var að gerast í Marokkó, en maður spyr ef tveir Marokkóskir hermenn með Marókkóskri móðir eða föður hefðu sótt börn í sendiráð Marokkó í Noregi og haft bát við ströndina til að sigla burtu með börnin.  Hvernig hefði fréttaflutningur orðið af því ?

Norskir hermenn fluttu barn frá Marokkó

Geta bretar þá ekki átt Icesave allt !

Frysting eigna Landsbankann var eitt af því sem gaf lokahöggið á andlát Landsbankans.  Nú ef þessi frysting var ólögleg, er þá ekki eðlileg og sanngjörn krafa að Alistair Darling og Gordon Brown eigi allt Icesave og losa íslenskan almenning undan kröfum ?

Lögbrot að frysta eignir meintra hryðjuverkamanna

Þökk sé Kárahnjúkavirkjun og öðrum vatnsaflsvirkjunum !

Hvað sem mönnum finnst um þau áhrif sem Kárahnjúkavirkjun og aðrar sambærilegar hafa á umhverfið, þá framleiða þessar virkjanir umhverfisvæna orku.  Slík orka verður bara verðmætari og verðmætari og skilar landinu okkar ríkari til barna og barna barna.

Ísland leiðir í umhverfismálum

Sandkassaleikur í bæjarstjórn Álftaness.

Það hafa oft verið daprar uppákomur í bæjarstjórn Álftaness á þessu kjörtímatímabili og er þetta ein slík. 

Hið hörmulega ástand í bæjarstjórninnni endurspeglar engan veginn það góða samfélag sem er á nesinu.  Sagan ein mun dæma verk Á listans og það er dapurt að forystusauðurinn virðist í algerri afneitun á eigin ábyrgð á stöðu mála og sumir samherjar virðast meðvirkir með hans afneitun.  Bæði afneitun og meðvirkni eru ekki góð meðul til að hægt sé að horfa fram veginn.

Það er geysilega mikilvægt að mikil endurnýjun verði í bæjarstjórn Álftaness svo hægt verði að halda  bæjarstjórnarfundi sem sómi er af.  Það er mikilvægt að meiri og minnihluti geti tekið höndum saman við að vinna samfélagið út úr þessum hörmungum sem Á listinn hefur komið samfélaginu í.

Segir oddvitann ekki tala fyrir sína hönd

Smjörklípa Á listans.

Nú fer bráðum að verða opinber endurskoðuð fjárhagsáætlun Álftaness.  Þar verður væntanlega enn og aftur staðfest óráðsía og óábyrg vinnubrögð Á lista og afleiðingin er gjaldþrota bæjarstjóður.  Í ljósi þess verður er ekki hægt að segja annað en að þessi tillaga Á listans er smjörklípa til að dreifa athyglinni frá meginmálinu sem er hin hrikalega staða bæjarsjóðs eftir 3 ára valdatíð Á lista.

Ríkissjóður kaupi hlutabréf Álftaness í Fasteign

Fjölmennur fundur ?

Frá 2006 ti l2009 þegar Á listinn var við völd, þá var neikvætt veltufé frá rekstri öll árin, m.ö.o.  sveitarfélagið átti ekki fyrri reglulegum útgjöldum og árlega ekki krónu til að greiða af lánum. Á sama tíma voru skuldir auknar sem nú hefur endað með því að sveitarfélagið er sokkið í skuldafen.   Og nú er send fréttatilkynning að Á listinn skorar á oddvitann sem leiddi þessa vinnu að gefa aftur kost á sér !!!

Það væri því fróðlegt að vita hvort þetta hafi verið fjölmennur fundur eða hvort þetta sé heimatilbúinn fréttatilkynning frá Sigurðu Magnússyni og hans nánustu, sem ég held að hljóti að vera raunin.  

Skora á Sigurð á leiða Á-lista áfram

Tímabærar breytingar en samt ganga þær of stutt.

Það er mjög sérstakt að þegar ný barnalög tóku gildi árið 2003 þá voru þau þegar orðin úreld og ekki í takt við tímann.  Sama virðist um þessar breytingar á þeim lögu.

Þessi lög eru skref framm á við en það hlýtur að vera stutt í það að börn geti verið skráð með lögheimili hjá bæði mömmu og pabba.  Flest börn sem eiga foreldra sem búa ekki saman búa í lengri eða skemmri tíma á hinu heimilinu sem er í dag ekki lögheimili.  Björn Bjarnason skipaði þessa nefnd og á heiður skilinn.

Þó má líka sjá að þarna eru hortittir eins og það að "ekki lögheimilisforeldri" hafi ekkert um það að segja hvort flutt sé með barnið landshorna á milli og það er ekki kveðið skýrt á að kostnaður vegna umgengni sé sameiginlegur. 

Þessar breytingar eru því tímabærar og skref í rétta átt en ganga því miður of stutt.

Miklar breytingar á barnalögum í bígerð