Góð tíðindi fyrir Blaðið !

Það er sannarlega hægt að fagna því að Ólafur Þ. Stephensen verði ritstjóri Blaðsins.   Ólafur  er nútíma maður.   Virtur blaðamaður, en sérstöða hans er  ekki síst að fjalla um jafnréttismál frá sjónarhóli karla.

• Ólafur var í karlanenfnd Jafnréttisráðs, sem m.a. vann  að bættum rétti feðra til fæðingarorlofs, sem trúlega er eitt stærsta jafnréttismál síðari  tíma.  
• Ólafur var einn af ræðumönnum á  karlaráðstefnunni, "Karlar um borð", þar sem karlar fjölluðu um jafnréttismál.  Þar fjallaði hann m.a.  um  hvað það væri gefandi að vera faðir í fæðingarorlofi.   
• Ólafur var í  Forsjárnefnd, ásamt Dögg Pálsdóttir hrl og Oddný Vilhjálmsdóttir frá Kvenréttindafélagi Íslands.  Forsjárnefnd lagði fram mjög framsækna áfangaskýrslu árið 1999 og lokaskýrslu árið 2005 (http://www.domsmalaraduneyti.is/media/Skyrslur/Forsjarnefnd-lokaskyrsla.pdf).  Ennþá hefur aðeins hluti af því sem nefndin lagði til verið lögfest.  Þeirra tillögur mættu   mikilli andstöðu Sifjalaganefndar Dómsmálaráðuneytisins, sem lýsti dapurlegum gamaldags sjónarmiðum nefndarmanna þar.  Ég er viss um að  mest allt sem Forsjárnefnd  lagði til á eftir  að verða að lögum.   Tíminn mun vinna með  sjónarmiðum Forsjárnefndar  og að  sama skapi munu sjónarmið Sifjalaganefndar verða lýsandi um gamaldags sjónarmið þeirra sem þá  nefnd skipa.
• Ólafur hefur ítrekað skrifað í leiðurum og Reykjavíkurbréfi um mikilvægi feðra og mikilvægi þess að jafnréttisumræðan fjalli líka um stöðu karla.
• Örugglega mætti týna  margt fleira til um það sem hann hefur gert í jafnréttismálum.

Það er full ástæða til að  óska Ólafi  og Blaðinu til  hamingju með nýjan ráðahag.

Nýr ritstjóri Blaðsins: Aukin áhersla á nánasta umhverfi

Alþjóðahvalveiðiráðið er friðunarráð, sem vill ekki hvalveiðar sem atvinnu.

Alþjóðahvalveiðiráðið átti upphaflega að setja kvóta á hinar ýmsu hvalveiðar.  Ráðið er aftur á móti  búið að vera í langan tíma friðunarráð og ekki hlynt neinum veiðum, nema það sé frumbyggjaveiðar.   Það hlýtur að vera lykilatriði að Ísland, Japan og Noregur haldi áfram atvinnuveiðum og setji kraft í að kynna málsstað hvalveiða.   Það eru öll eðlileg rök að við eigum að nýta  náttúruauðlindir okkar, þ.m.t. hvali.  Hvalastofnar við Ísland eru sterkir og þola veiðar. 

Alþjóðahvalveiðiráðið endurnýjar heimildir til frumbyggjaveiða

Tala stjórnarflokkarnir einu máli ?

Einhvern veginn finnst manni eins og  Samfylking og Sjálfstæðisflokkur séu ekki endilega samstiga í þessu máli.  Samfylkingin virðist byggja sínar yfirlýsingar á almennu orðalagi stjórnarsáttmálans.  Ekki byrjar það þá gæfulega ef Samfylkingin ætlar að keyra sólo strax á fyrstu vikum stjórnarsamstarfsins, en þetta er fyrsta ríkisstjórn sem Samfylkingin á aðild að.  Það er vonandi að fokkarnir verði samstígari með tímanum.

Össur segir ríkisstjórnina ekki munu ráðast í Norðlingaölduveitu

Launajafnrétti og foreldraábyrgð.

Mikið hefur verið fjallað um kvennfrelsi og launamun kynjanna  og er oft talað af mikilli tilfinningu um þessi mál.   Eðlilega,  launmunur kynjanna kemur við rættlætiskennd okkar allra. 

 

Eitt sinn voru  konur heimavinnandi og karlar fyrirvinnur heimilanna.  Konur sóttu út á vinnnumarkaðinn og börnin fóru í leikskóla og í dag taka karlar almennt meiri þátt  í heimilisstörfum og uppeldi barna.     Ennþá  bera konur að meðaltali meiri ábyrgð á heimili  og börnum og karlar bera að meðaltali meira úr  bítum á vinnumarkaði.  Kynbundinn munur í heimilis- og  foreldraábyrgð  endurspeglar stöðu kynjanna  á vinnumarkaði.    

 

Jöfn foreldraábyrgð kynjanna er  trúlega forsenda til að  ná launajafnrétti á vinnumarkaði.  Þannig voru lög sem tryggðu feðrum  jafnan rétt til fæðingarorlofs stórt skref til að jafna foreldraábyrgð og mun  einnig minnka  launamun kynjanna.

 Það eru um 14 000 mæður sem búa ekki með barnsfeðrum sínum , en  þær hafa  lögheimili um 20 000 barna hjá sér, þ.e. barna yngri en 18 ára.   Þær bera  þ.a.l. mesta ábyrgð á uppeldi þeirra og hafa stöðu, skattalega og félagslega sem foreldri og einstætt foreldri ef þær eru ekki í sambúð með nýjum maka.   Það eru um 12 000 feður sem greiða meðlög með þessum 20 000 börnum.  Trúlega er kynbundinn munur hvergi meiri en í þessum málaflokk, sem telur 26 000 foreldra eða um 16% af vinnnandi fólki á   Íslandi.    Eðli málsins samkvæmt eru þessi 16% fólk á fyrri hluta síns  starfsferils, og kjör þess á þessum tíma hefur  mikil áhrif á gengi þeirra  á vinnumarkaði.  Meiri ábyrgð kvenna í   foreldrahlutverkinu  rýrir sveigjanleika þeirra  á vinnumarkaði og viðheldur þannig bæði útskýrðum og óútskýrðum launamu. 

Undir forystu Björns Bjarnasonar dómsmálaráðherra,  var sameiginleg forsjá lögfest sem  meginregla við skilnað foreldra. Þetta þýðir að löggjafinn gefur þau skýru skilaboð að við skilnað ber foreldrum að fara áfram sameiginlega með ábyrgð á börnum sínum.  Að gefinni þeirri forsendu að sameiginleg forsjá þróist í jafna foreldraábyrgð, þá mun þessi löggjöf, eins og  fæðingarorlofslögin, einnig jafna stöðu kynjanna á vinnumarkaði.  Þannig minnkar launamunur  kynjanna.  Foreldrajafnrétti forsenda fyrir  launajafnrétti.

 

Framsóknaflokkinn vantar fylgi á höfuðborgarsvæðinu !

Valgerður er þungavigtar stjórnmálamaður enda lengi verið ráðherra og haft mikil áhrif.  Framsóknaflokkurinn fékk yfir   20% fylgi í hennar kjördæmi enda er norðaustur kjördæmið sterkasta vígi Framsóknar. Suður kjördæmi  Guðna Ágústsonar er næst sterkasta vígi Framsóknar. 

Vandamál Framsóknar, þessa gamla bændaflokks, er að flokkurinn höfðar ekki til kjósenda á höfuðborgarsvæðinu.   Bæði Guðni og Valgerður eiga sínar rætur  í sveitinni, enda bæði alin upp í landbúnaðarumhverfi.   Það væri hollt og trúlega nauðsynlegt  fyrir Framsókn að annar af tveimur forystumönnum flokksins kæmi af höfuðborgarsvæðinu.

Valgerður: Tilbúin að takast á við varaformannsembættið

Annar var nasisti og hinn var kommúnisti ! Báðir voru miklir rithöfundar !

Á árum seinni heimstyrjaldar og fyrir þann tíma var Knut Hamsun fylgismaður þeirrar þróunar sem átti sér stað í Þýskalandi. Uppgangur  nasista í Þýskalandi áleit hann nauðsynlega, m.a. til að sporna við þróun kommúnista í austri.  Okkar nóbel skáld, aftur á móti hafði samúð með þeirri þróun sem átti sér stað í Sovétríkjunum og trúði um tíma á kommúnísman þar eystra.

Báðir trúðu þannig um tíma á stefnur og samfélög, sem orsökuðu miklar hörmungar fyrir miljónir manna.    Það breytir  ekki því að bæði Knut Hamsun og Halldór Kiljan Laxness  voru einir af merkustu rithöfundum Norðurlanda á síðustu öld og ritsnilld þeirra beggja óumdeild.

Segir Halldór Laxness hafa öfundað Hamsun

Kemur kraftur í jarðgangnagerð ?

Trúlega eru góðar samgöngur einar bestu almennu framkvæmdir sem ríkisvaldið gerir bæði fyrir þéttbýli og dreifbýli.  

Kristján L. Möller er Siglfirðingur með meiru og talsmaður jarðgangna og almennt bættra samgangna.  Hann er því kominn í draumaráðuneytið eins og hann segir sjálfur.  Þýðir þetta breyttar áherslur í samgöngumálum ?  Verður nú unnið samtímis að jarðgangnagerð í öllum landsfjórðunum ?  Vestfirðingar vilja og þurfa fleiri göng, en  verið er að vinna að göngum til Bolungarvíkur.  Austtfirðinga dreymir um göng frá Héraði til Seyðisfjarðar og þaðan í gegnum Mjóafjörð til Norðfjarðar og áfram til Eskifjarðar.  Þannig yrði miðausturland nánast eitt atvinnusvæði.   Norðlendingar vilja Vaðlaheiðargöng sem óneytanlega tengir norðurland  og austurland betur.   Eyjamenn vilja  göng til Eyja.  M.ö.o. það er nóg af göngum á óskalista landsmanna.  

Ég sem íbúí á Álftanesi horfi til þess að  vonandi kemur vegur af Garðaholtinu og beint yfir í Vatnsmýrina með veg  og brúartengingu. 

Það eru næg verkefni í samgöngumálum en það er ljóst að hér eins og annarsstaðar verður að forgangsraða.

Kristján: Samgönguráðuneytið skriðþungt skip

Fjölskyldudagur Sameinuðuþjóðanna er í dag !

Í dag 15. mai er alþjóðlegur  dagur fjölskyldunnar. 

Sameinuðuþjóðirnar samþykktu  árið 1993  að 15. maí skyldi verða alþjóðlegur dagur fjölskyldunnar.  Á hverjur  ári  hefur fjölskyldudagur Sameinuðuþjóðanna þema.    Þannig var þemað fyrir árið 2005, “Fjölskyldan og Hiv/aids” og fyrir árið  2006 "Breyttar fjölskyldur: Áskorun og möguleikar".   Í ár er þemað “Fjölskyldur og einstaklingar með fötlun”, eða "Families and Persons with Disabilities".   Tilgangur  með árlegu þema fjölskyldudagsins er að vekja athygli á þeim einstaklingum sem búa við sérstakar aðstæður.  Allir eiga að njóta sömu virðingar og jafnra tækifæra.

Um þetta má lesa á http://www.un.org/esa/socdev/family/

 Það er sérstakt  að  enginn fjölmiðill hér  á landi fjallar um að í dag er dagur fjölskyldunnar.